شکوہ گزارِ چرخ ستمگر نہیں ہوں میں ۔۔۔ایاز صدیقی

شکوہ گزارِ چرخ ستمگر نہیں ہوں میں
سرکار کا کرم ہے کہ مضطر نہیں ہوں میں

شہرِ جمال میں بھی نہ اڑ پاؤں تیرے ساتھ
موجِ ہوا ! اب ایسا بھی بے پر نہیں ہوں میں

طیبہ کے دشت و راغ بھی جنت بدوش ہیں
منّت پذیرِ گنبدِ بے در نہیں ہوں میں

صد شکر میں گدائے شہِ مشرقین ہوں
دارا و کیقباد و سکندر نہیں ہوں میں

مجھ کو درِ حضور سے دوری کا رنج ہے
آلامِ روزگار کا خوگر نہیں ہوں میں

مجھ سے گریز پا ہیں زمانے کی ٹھوکریں
آقا! کسی کی راہ کا پتھر نہیں ہوں میں

مال و متاعِ عشقِ محمدﷺ ہے میرے پاس
یہ کس نے کہہ دیا کہ تونگر نہیں ہوں میں

روشن ہے نورِ عشقِ محمدﷺ سے میرا دل
پامالِ جلوۂ مہ و اختر نہیں ہوں میں

آقاﷺ کے در پہ ہے سرِ تسلیمِ خم ایاز
اللہ جانتا ہے کہ خود سر نہیں ہوں میں
٭٭٭
ثنائے محمدﷺ ... ایاز صدیقی​

 

صلی اللہ علیہ وآلہ وسلم
مال و متاعِ عشقِ محمدﷺ ہے میرے پاس
یہ کس نے کہہ دیا کہ تونگر نہیں ہوں میں​

 

صلی اللہ علیہ وآلہ وسلم
آقاﷺ کے در پہ ہے سرِ تسلیمِ خم ایاز
اللہ جانتا ہے کہ خود سر نہیں ہوں میں​

 

سبحان اللہ ۔جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین