نظم - - - شکریہ سن میری تصور ِ جاناں تو میری حیات ہے حیات کیا تو میری ذات ہے میری ہر سانس میں تیری چاہت رچی ہے ایسی چاہت جو کبھی موت کے آنے پر کی جائے تیری آنکھ کا اک آنسو بھی تیزاب کی طرح میری روح تڑپاتا ہے دیکھ تو میری تصور ِ جاناں تیرے آنے میری ویراں زندگی میں بہار ہے خود سے بھی بڑھ کے مجھے تجھ سے پیار ہے میرے دل کے دشت میں تو برکھا بن کے برسی ہے میری ادھورے جیون میں دل کے اس ویرانے میں آنکھوں کی ان جھیلوں میں کنول کی طرح تو مہکتی ہے مگر مجھے اب جانا ہے کہ تیرا میرا سفر یہیں تک رہا بھول جانا تو جو بھی میں نے کہا بس جاتے جاتے اے میری تصور ِ جاناں شکریہ مجھے تجھ سے کہنا ہے شکریہ تری ہر بات کا تری چاہت ، تری ہر سوغات کا بخشے تیرے آنسو، ہر مسکان کا تیرے سپنوں کا اور تیرے دھیان کا کہ یہ چند پل ہی میری زندگی کا حاصل ہیں مگر اے تصور ِ جاناں کےا کروں کہ مجھے اب جانا ہے چھوڑ کے تجھے اب جانا ہے
ماشاءاللہ بہت ہی خوبصورت نظم ہے اور نہایت ہی منظم انداز میں خیالات کو الفاظ کی شکل دی ہے آپ نے کنول ، مگر ایک بات ذرا حیران کیے دیتی ہے کہ یہ نظم کافی حد تک مردانہ معلوم ہوتی ہے ،نمونے کے طور پر یہ شعر دیکھیں: میرے دل کے دشت میں تو برکھا بن کے برسی ہے اور یہ بھی آنکھوں کی ان جھیلوں میں کنول کی طرح تو مہکتی ہے ہاں اگر کسی سہیلی کے لیے لکھی ہے تو علیحدہ بات ہے !
Re: بہت خوب بہت بہت شکریہ عبد الرحمن جی ،۔ ۔ ۔ آپ کی حوصلہ افزا ئی کے واسطے بندی شکر گذار ہے ، ۔ ۔ ۔
سلام فیصل جی ،۔ ۔ ۔ آپ نے صحیح پہچانا یہ نظم ایک محبوب کی طرف سے ہی لکھی گئی ہے، جس میں اس کے جانے کا جواز پیش کیا گیا ہے۔ جو ایک طرح سے طنزیہ انداز بھی لئے ہوئے ہے۔ کہ مصنف اپنے محبوب کے جانے کی ادا یاد کر رہا ہے۔ پسند فرمانے کے لئے شکریہ جناب ،۔ ۔ ۔
مگر مجھے اب جانا ہے کہ تیرا میرا سفر یہیں تک رہا بھول جانا تو جو بھی میں نے کہا بس جاتے جاتے اے میری تصور ِ جاناں کنول جی واہ کیا بات ہے کیا اندازے بیاں ہے " اے تصور جاناں" وہ یعنی کے وہ بڑی بڑی انچ انچ بھر پلکیں وہ گیسوئے دراز وہ ڈبڈباتی آنکھیں ـ ایک دوسرے کو دیکھنا اور دل کی دھڑکن سے الوداع کہنا " مگر مجھے اب جانا ہے ـــــــــــــــــــــــ" "جب سمندر میں سفر کے سارے رستے بند ہوں کشتیوں کو چھوڑ دینا اور کنارہ باندھنا"
فیضان جی آپ کے اس خوبصورت سے انداز کے لئے شکریہ ،۔ ۔ ۔ اپنے تصور میں آپ نے تصور ِ جاناں کی بڑی دلفریب سی شبیح بنائی ہے،
