شعرلکھیں لفظ ہم بتاتے ھیں

اگلا لفظ۔۔۔منزل

منزل بھی تھی امنگ بھی تھی حوصلہ بھی تھا
رہبر نے دو قدم بھی نہ چلنے دیا مجھے

امنگ

 

نہ وہ پرواز کی قوت نہ وہ دل کی امنگ باقی ہے
ہوئی مدت چمن چھوٹے ، قفس ہے آشیاں اپنا ۔۔ !

۔۔۔۔۔۔۔۔۔۔۔۔۔۔۔۔۔۔۔۔۔۔۔

تلاش

 

گھما پھرا کے جُدائی کی بات کرتی تھی
ہمیشہ ہجر کے حربے تلاش کرتی تھی

ہجر

 

جانے یہ کیسی تیرے ہجر میں ٹھانی دل نے
پھر کسی اور کی کچھ بات نہ مانی دل نے


بات

 

دل جہاں بات کرے، دل جہاں بات سنے
کارِ دشوار ہے ایسی جا کوئی بات کرنا

نامہ بر

 

زرد رو تھا صدموں سے ابھرتا سورج
یہ خبر ڈوبتے تاروں کی زبانی آئی ۔۔ !


گفتگو

 

تری گفتگو میں نہیں ملی وہ مٹھاس پیار کے شہد کی
سو،قرار جیسا قرار بھی مرے دل کو آج نہیں ملا

قرار

 

نہ ہوا نصیب قرارِ جاں، ہوسِ قرار بھی اب نہیں
ترا انتظار بہت کیا، ترا انتظار بھی اب نہیں

بہت

 

امید کا دامن جو رہے ہاتھ میں غوری
بگڑا ہوا ہر کام سنورتا ہے بہت جلد

دامن

 

شاید اسی کے ہاتھ میں دامن ہو یار کا
ہو جس ستم رسیدہ کو دستِ دعا سے ربط
میر
۔۔۔۔۔۔۔۔۔۔۔۔۔۔۔۔۔۔۔۔۔۔۔

دہلیز

 

رات دہلیز پہ بیٹھی رہیں آنکھیں میری
تو نہ آیا تو کوئی خواب ہی بھیجا ہوتا

چوکھٹ

 

وسوسوں سے بھرا ہوا تھا دل
اُسکی چوکھٹ پہ سر رکھنے تک


تشنہ

 

کب تشنہ لب کے پاس اٹھ کر آتا ہے کنواں
کب رخت منزل نے باندھا ہے کارواں کے لیے

 

رضا رختِ سفر باندھو چلو اب جانبِ منزل
کہ رستے دیس کےاپنے ہی پیہم یادآتے ہیں

ذاتی

 

اب کس کے لیے اہتمامِ رخت کروں
میرا رفیقِ مسافت تو ہار بیٹھا ہے

 

اقبال کے سورج کی شعاعوں کا نظارہ
ہوتا ہے مگر جوہر ذاتی کے سبب سے

جوہر

 

وفا کا جوہر گنوا نہ دینا خیال رکھنا
یہ بات میری بھلا نہ دینا خیال رکھنا

خیال

 

وہم ہو، خواب ہو، خیال ہو تم
خیر، ہم نے کِیا یقیں پھر بھی

خواب

 

بے تاب ہے ،بے خواب ہے معلوم نہیں کیوں
دل ماہی بے آب ہے معلوم نہیں کیوں

ماہی

 

پایا ہے سکوں دل نے قربت میں تری ورنہ
تڑپا ہوں جدائی میں بڑھ کر کسی ماہی سے

جدائی

 

یہ جدائیوں کے رستے بڑی دور تک گئے ہیں
جوگیا وہ پھر نہ لوٹا ۔۔۔۔ میری بات مان جاو

مان

 

دل پہ جو کچھ بھی گزرتی ہے کہوں یا نہ کہوں
مان لوں اپنا تجھے یا کوئی بیگانہ کہوں

وصل

 

نہ گلے رہے نہ گماں رہے، نہ گزارشیں ہیں نہ گفتگو
وہ نشاطِ وعدہء وصل کیا، ہمیں اعتبار بھی اب نہیں

نشاط

 

مایوسیوں نے چھین لیے دل کے ولولے
وہ بھی نشاطِ روح کا ساماں نہ کر سکے

روح

 

روح ارباب محبت کی لرز جاتی ہے
تو پشیمان نہ ہو اپنی جفا یاد نہ کر

پشیماں

 

اے حُسنِ پشیماں مری آنکھوں سے نہ گھبرا
ہر آہ ترے حق میں دُعا ہو کے رہے گی

آہ

 

آہ بھرتا ہوں تو آتے ہیں پسینے ان کو
نالہ کرتا ہوں تو راتوں کو وہ ڈر جاتے ہیں

پسینہ

 

میں کوئی آگ نہیں، آنچ نہیں، دھوپ نہیں
کیوں پسینہ میں شرابور ہوئی جاتی ہو
-------------------------
دھوپ