شعرلکھیں لفظ ہم بتاتے ھیں

جواب: شعرلکھیں لفظ ہم بتاتے ھیں

مُنصفِ شہر ہے برہم اِس پر
لوگ کیوں اذنِ بیاں مانگتے ہیں​

۔۔۔۔۔۔۔۔۔۔۔۔۔
برہم

 

جواب: شعرلکھیں لفظ ہم بتاتے ھیں

تم بھی خفا ہو لو گ بھی برہم ہیں دوستو
اَب ہو چلا یقیں کہ بُرے ہم ہیں دوستو
احمد فراز
۔۔۔۔۔۔۔۔۔
یقیں

 

جواب: شعرلکھیں لفظ ہم بتاتے ھیں

حقیقت تک رسائی ہے، کہاں ہے؟
یقیں جس کو سمجھتے ہو، گُماں ہے
۔۔۔۔۔۔۔۔۔۔
رسائی

 

جواب: شعرلکھیں لفظ ہم بتاتے ھیں

میرے دھیان کو وہ رسائی دے مجھے تو یہیں سے دکھائی دے
کوئی واسطہ کوئی راستہ کوئی کارواں نہیں چاہیئے
مظفر وارثی

واسطہ

 

جواب: شعرلکھیں لفظ ہم بتاتے ھیں

ہم زمیں زادے، ستاروں سے ہمیں کیا واسطہ؟
دل میں ناحق خواہشِ تسخیر لے کر کیا کریں
اعتبار ساجد
۔۔۔۔۔۔۔۔۔۔۔۔۔۔
تسخیر

 

جواب: شعرلکھیں لفظ ہم بتاتے ھیں

اے ستم گر رگِ جاں میں ہے مری پیوستہ
دم نکل جائے گا سینے سے مرے تیر نہ کھینچ

حور پر بھی کوئی کرتا ہے عمل دنیا میں
رنجِ بے ہودہ بس اے عاملِ تسخیر نہ کھینچ

------------------
رگِ جاں

 

جواب: شعرلکھیں لفظ ہم بتاتے ھیں

میری زندگی تو فراق ہے، وہ ازل سے دل میں مکیں سہی
وہ نگاہِ شوق سے دور ہیں، رگِ جاں سے لاکھ قریں سہی

فراق

 

جواب: شعرلکھیں لفظ ہم بتاتے ھیں

غمِ جہاں کی محبت لُبھا رہی تھی مُجھے
مَیں کس طرح تیری چاہت پہ آسرا کرتا
۔۔۔۔۔۔۔۔۔۔
آسرا

 

جواب: شعرلکھیں لفظ ہم بتاتے ھیں

تیرے کرم کا سہارا تو تھا اُمیدوں کو
مگر یہ چِڑیاں شکستہ پروں سے اُڑ نہ سکیں

۔۔۔۔۔۔۔۔۔۔۔۔۔۔۔۔۔
اُمید

 

جواب: شعرلکھیں لفظ ہم بتاتے ھیں

مجھے سارے رنج قبول ہیں اُسی ایک شخص کے پیار میں
مری زیست کے کسی موڑ پر جو مجھے ملا تھا بہار میں
وہی اک امید ہے آخری اسی ایک شمع سے روشنی
کوئی اور اس کے سوا نہیں, میری خواہشوں کے دیار میں


-----------------
دیار

 

جواب: شعرلکھیں لفظ ہم بتاتے ھیں

عجیب حال یہاں دھوپ کے دیار میں تھا
شجر خود اپنے ہی سائے کے اِنتظار میں تھا
۔۔۔۔۔۔۔۔۔۔۔۔۔۔۔۔۔
شجر

 

جواب: شعرلکھیں لفظ ہم بتاتے ھیں

ایک شجر ایسا محبت کا لگایا جائے ۔۔۔۔۔۔۔۔
جس کا ہمسائے کے آنگن میں بھی سایہ جائے

آنگن

 

جواب: شعرلکھیں لفظ ہم بتاتے ھیں

پھر کاگا بولا گھر کے سونے آنگن میں
پھر امرت رس کی بوند پڑی تم یاد آئے

پہلے تو میں چیخ کے رویا اور پھر ہنسنے لگا
بادل گرجا بجلی چمکی تم یاد آئے
--------------

بوند

 

جواب: شعرلکھیں لفظ ہم بتاتے ھیں

ترس رہا ہوں میں پانی کی بوند بوند کو اب
حیات ہو گئی اِک دشتِ بے اماں کی طرح
۔۔۔۔۔۔۔۔۔۔۔۔۔۔۔۔۔
بے اماں

 

جواب: شعرلکھیں لفظ ہم بتاتے ھیں

چمک جگنو کی برق ِ بے اماں معلوم ہوتی ہے
قفس میں رہ کے قدر ِ آشیاں معلوم ہوتی ہے

قفس

 

جواب: شعرلکھیں لفظ ہم بتاتے ھیں

خراج دینے کو آیا ہے چاندنی کا جلُوس
قفس میں خاک نشینوں کے اِقتدار کی خیر
۔۔۔۔۔۔۔۔۔۔۔۔۔۔۔
خراج

 

جواب: شعرلکھیں لفظ ہم بتاتے ھیں

یہ کس نے ہم سے لہو کا خراج پھر مانگا
ابھی تو سوئے تھے مقتل کو سرخرو کر کے
محسن نقوی

سرخرو

 

جواب: شعرلکھیں لفظ ہم بتاتے ھیں

عجب اک شان سے دربارِ حق میں سرخرو ٹھہرے
جو دنیا کے کٹہرو ں میں عدو کے روبرو ٹھہرے
۔۔۔۔۔۔۔۔۔۔۔۔۔
کٹہرا

 

جواب: شعرلکھیں لفظ ہم بتاتے ھیں

من کٹہرا میں جب ٹھہرا شرم کا خود پہ پایا پہرا
لب خاموش تھے آنکھیں نَم تھیں سر بھی جھکا ہوا تھا میرا
شاعر: میاں وقارالاسلام

نَم

 

جواب: شعرلکھیں لفظ ہم بتاتے ھیں

پھر مری صحنِ گلستاں میں بحالی دیکھنا
اِک ذرا یہ موسمِ بے نَم گزر جانے تو دو
۔۔۔۔۔۔۔۔۔۔
گلستاں

 

جواب: شعرلکھیں لفظ ہم بتاتے ھیں

بڑے خطرے میں ہے گلستاں، ہم نہ کہتے تھے
چمن تک آگئی دیوار ِ زنداں، ہم نہ کہتے تھے

ِ زنداں

 

جواب: شعرلکھیں لفظ ہم بتاتے ھیں

امکاں میں ہے تو بند و سلاسل پہن کے چل
یہ حوصلہ نہیں ہے تو زنداں کے دَر نہ کھول
۔۔۔۔۔۔۔۔۔۔۔۔۔۔
سلاسل

 

جواب: شعرلکھیں لفظ ہم بتاتے ھیں

لوگ پابندِ سلاسل ہیں مگر خاموش ہیں
بے حسی چھائی ہے ایسی گھر کے گھر خاموش ہیں

پابند

 

جواب: شعرلکھیں لفظ ہم بتاتے ھیں

پابندِ مشیعت ہے، تنفس بھی، نظر بھی
اِک جذبۂ لمحات ہے دُنیا تیری کیا ہے
۔۔۔۔۔۔۔۔
تنفس

 

جواب: شعرلکھیں لفظ ہم بتاتے ھیں

تیرے عشق کو رہنما کر لیا ھے
تیری یاد کو آسرا کر لیا ھے
تخیل ، تکلم ، تنفس میں تم ہو
ترے حسن کا کیا نشہ کر لیا ھے

-------------

تخیل

 

جواب: شعرلکھیں لفظ ہم بتاتے ھیں

وائے محرومئی پروازِ تخیل میری
ہر بلندی مرے پہلو میں اتر آئی ہے
۔۔۔۔۔۔۔۔۔۔۔۔
پہلو

 

جواب: شعرلکھیں لفظ ہم بتاتے ھیں

مِرے شانے پہ سر رکھّے مِرے پہلو میں بیٹھی ہے
مِری گردن اور اِس کے گیسوﺅں کے پاس ایک تتِلی

---------

تتِلی

 

جواب: شعرلکھیں لفظ ہم بتاتے ھیں

تتلی کے لبوں اور گُلابوں کے بدن میں
رہتا ہے سدا چھوٹے سے اِک راز کا رشتہ
۔۔۔۔۔۔۔۔۔۔۔۔۔۔۔۔
راز