شرم و عصمت کا نشاں ام حبیبہ آپ ہیں ۔ بلال رشید

شرم و عصمت کا نشاں ام حبیبہ آپ ہیں
مصطفی کی رازداں ام حبیبہ آپ ہیں
​

باپ اور بھائیوں سے پہلے مومنہ جو ہوگئیں
وہ سعادت کا بیاں ام حبیبہ آپ ہیں​

​

عقد حبشہ میں ہوا جن کا شہ ابرار سے
منفرد وہ داستاں ام حبیبہ آپ ہیں​

​

دور جس نے باپ کو آقا کے بستر سے کیا
وہ ہماری پاک ماں ام حبیبہ آپ ہیں​

​

آپ پر تھی ختم شوہر کی اطاعت با خدا
اس لیے بھی ضو فشاں ام حبیبہ آپ ہیں​

​

تا ابد ہے ساتھ حاصل آپ کو سرکار کا
کیا کوئی سمجے کہاں ام حبیبہ آپ ہیں​

​

کیوں نہ آقا سے شفاعت کی سند پاۓ بلاؔل
جب کہ اس پہ مہر باں ام حبیبہ آپ ہیں
-------
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین