شب اسریٰ کی راہوں میں جو اقصیٰ کا مقام آیا ۔۔۔بے ہوش محبوب نگری

شب اسریٰ کی راہوں میں جو اقصیٰ کا مقام آیا
ملائک چیخ اٹھے خوش ہو کے نبیوں کا امام آیا

دکھا دی حق نے عظمت انبیاء کو اس تعارف سے
یہی ہیں وہ تمہارے لب پہ اکثر جن کا نام آیا

نبی وہ ہے مقلد ہے جو آئین محمدؐ کا
ولی وہ ہے کہ جس کو آپ کا ربطِ دوام آیا

جو گزرے یاد میں ان کی حیات معتبر وہ ہے
وہ مومن ہے جسے ان کا تصور صبح و شام آیا

نگاہِ ساقیٔ کوثر نے بخشی ہے جنھیں مستی
پلٹ کر بھی نہ دیکھیں گر انھیں کوثر کا جام آیا

تصدق چشمِ مازاغ البصر کے دیکھ کر جلوہ
نہ ٹھٹکی اور نہ جھپکی جب مقامِ انضمام آیا

میں بیخود ہی سہی بے ہوشؔ لیکن فیض نسبت سے
مرا ہوش عقیدت ہر قدم پر میرے کام آیا
٭٭
بے ہوش محبوب نگری ۔۔۔ (ہوش عبدیت )​

 

اللہ تعالیٰ آپ کو بھی جزائے خیر عطا کرے آمین

 

جو گزرے یاد میں ان کی حیات معتبر وہ ہے
وہ مومن ہے جسے ان کا تصور صبح و شام آیا​

 

میں بیخود ہی سہی بے ہوشؔ لیکن فیض نسبت سے
مرا ہوش عقیدت ہر قدم پر میرے کام آیا​

 

سبحان اللہ ۔ جزاک اللہ

​

 

اللہ تعالیٰ آپ کو بھی جزائے خیر عطا کرے آمین

​

 

ماشاءاللہ
عمدہ کلام
جزاک اللہ خیراً کثیرا​

 

اللہ تعالٰی آپ کو بھی جزائے خیر عطا کرے آمین

​