شاعر بنا ہوں مدحتِ خیرالبشرﷺ کو میں ۔۔۔ ایاز صدیقی

شاعر بنا ہوں مدحتِ خیرالبشرﷺ کو میں
"سمجھا ہوں دل پذیر متاعِ ہنر کو میں"

چشمِ خیال میں ہیں مدینے کے بام و در
دل میں بسا رہا ہوں بہشتِ نظر کو میں

پہنچوں میں اُڑ کے ، در پہ بلائیں اگر حضورﷺ
تکلیفِ رہنمائی نہ دوں راہبر کو میں

روزِ ازل ، خطِ شبِ اسرا ، فرازِ عرش
ترتیب دے رہا ہوں عروجِ بشر کو میں

میری شبِ الم کو سحر کیجئے حضور!
کب سے ترس رہا ہوں نشاطِ سحر کو میں

طیبہ کی راہ ، ارضِ مدینہ، درِ رسولﷺ
مہمیز کر رہا ہوں مذاقِ سفر کو میں

ہیں میرے چارہ ساز حبیبِ خدا ایاز !
کیا دکھ سناؤں اور کسی چارہ گر کو میں
٭٭٭
ثنائے محمدﷺ ... ایاز صدیقی​

 

صلی اللہ علیہ وآلہ وسلم
ہیں میرے چارہ ساز حبیبِ خدا ایاز !
کیا دکھ سناؤں اور کسی چارہ گر کو میں​

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین