سیدنا عمرفاروق کا عشق رسول

سیدنا عمر فاروق کا عشقِ رسول :saw: ​

حضرت زید بن اسلام رضی اللہ عنہ ، سیدنا عمر فاروق رضی اللہ عنہ کے بارے میں فرماتے ہیں کہ رات کو عوام کی خدمت کے لیے شہر کی گلیوں میں گھوما کرتے تھے۔ ایک رات نکلے تو دیکھا کہ ایک گھر میں چراغ جل رہا ہے اور ایک بوڑھی خاتون اون کاتتے ہوئے حضور اکرم :saw: کے ہجر و فراق میں ڈوبے یہ اشعار پڑھ رہی تھی

علی محمد صلاۃ الابرار
صلی علیہ الطیبون الاخیار
قد کنت قواماً بکا بالاسحار
یا لیت شعری والمنایا اطوار
حل تجمعنی و حبیبی الدار​

ترجمہ : حضرت محمد :saw: پر اللہ کے تمام نیک بندوں اور متقین کی طرف سے درود و سلام ہو۔ آپ :saw: راتوں کو اللہ کی یاد میں کثرت سے قیام کرنے والے اور پچھلی رات کو آنسو بہانے والے تھے۔
ہائے افسوس ! اسبابِ موت کئی ہیں (چاہے مجھے کیسی بھی موت آئے مگر) کاش مجھے یہ یقین ہوجائے کہ روزِ قیامت مجھے اٗپنے پیارے حبیب :saw: کی معیت و قرب نصیب ہوسکے گا۔

یہ اشعار سن کر حضرت عمر فاروق کو بےاختیار اپنے پیارے آقا :saw: کی یاد آگئی ۔ زارو قطار رو پڑے ۔ روایات میں آتا ہے کہ سیدنا عمر فاروق خود پر قابو نہ رکھ سکے اور ۔۔

"انہوں‌نے دروازے پر دستک دی ۔
خاتون نے پوچھا : کون ؟
فرمایا : عمر بن الخطاب ہوں۔
خاتون نے کہا : رات کو اس وقت عمر کو یہاں‌کیا کام ؟
فرمایا : اے خاتون ! اللہ آپ پر رحم فرمائے، دروازہ کھولیے، آپکوکوئی پریشانی نہیں ہوگی۔"
خاتون نے دروازہ کھولا ۔ آپ اندر داخل ہوگئے اور فرمانے لگے
" (ہجرو فراقِ رسول :saw: ) والے جو اشعار آپ پڑھ رہی تھی۔ ذرا دوبارہ پڑھ دیجئے۔"
خاتون نے اشعار دوبارہ پڑھے تو آپ (روتے ہوئے) کہنے لگے :

اے خاتون ! اشعار کے آخر میں جہاں آپ نے حبیب کریم :saw: سے ملاقات کی خواہش کی ہے ۔ اس (ملاقات کے) مبارک اجتماع میں مجھے بھی اپنے ساتھ شامل کرلیں اور یہ کہیں کہ "کاش ہم دونوں کو آخرت میں حضور اکرم :saw: کا قرب (اور ملاقات)‌نصیب ہوجائے۔ (پھر فرمایا)‌اے معاف فرمانے والے، عمر کو معاف فرما دے۔ "

قاضی سلیمان منصور پوری کہتے ہیں کہ سیدنا عمر فاروق اس رات ہجرِ رسول :saw: میں گریہ و بکا کی وجہ سے اتنے علیل ہوگئے کہ صحابہ کرام رضوان اللہ عنھم آپ کی تیمارداری کے لیے آتے رہے۔

بحوالہ :
1۔ قاضی عیاض ۔ الشفاء 2:21
2۔ ابن مبارک ، الزہد : 1:363ٗ
3۔ ملا علی قاری، شرح الشفاء ، 2:40
4۔ خفا جی، نسیم الریاض، 3:355

 

ہارون بھائی ۔ دعا کرنا چاہیے کہ اللہ تعالی ان عظیم ہستیوں کے دلوں میں محبت رسول :saw: کی روشن شمعوں سے کوئی کرن ہمیں بھی عطا فرما دے۔ آمین

 

سبحان اللہ ۔ دلسوز الفاظ پڑھ کر آنکھیں نم ہوگئیں اور دل سرکارِ مدینہ ک:saw: ی یادوں سے روشن ہوگیا۔
اللہ پاک ہم سب کو ایسی محبت کا نور عطا کرے۔ آمین
جزاک اللہ نعیم بھائی ۔

 

سبحان اللہ
نعیم بھائی بہت اچھی تحریر ہے

 

برادر بھائی اور منور چشتی بھائی ۔ آپ کی دعاؤں کا بہت شکریہ
عاجز بھائی کے حق میں دعا کر دیا کریں۔ جزاکم اللہ

 

نعیم بھائی بہت اچھی تحریر ہے جزاک اللہ

 

جواب: سیدنا عمرفاروق کا عشق رسول

یکم محرم الحرام سیدنا فاروق اعظم کا یوم شہادت ہے۔ اللہ کریم انکے اعلی درجات مزید بلند فرمائے اور ہمیں انکی تعلیمات پر عمل کی توفیق دے۔ آمین

 

جواب: سیدنا عمرفاروق کا عشق رسول

اللہ پاک ہم سب کو ایسی محبت کا نور عطا کرے