سیاست کے میدانوں کے وہ بڑے شکاری

سیاست کے میدانوں کے وہ بڑے شکاری
ملک و قوم ہے انہیں صرف پارک سفاری

آئین و انصاف تو ہے مارچ کبھی دھرنا
ووٹ ہے انہیں جاہ و حشمت کی سواری

قائد کے وطن اسلام کو صیغہ آباد لگا دیا
ہاتھ باندھے کھڑے ہیں جہاں سب درباری

چھن گئی ان سے متاع محبوبِ الہٰی
شکر ہے مفتی اعظم نہیں کوئی سرکاری

نہیں خدا کو چاہ جو خود سے نہیں آگاہ
قرآن سے متصادم جن کی رسم کار و کاری

آبِ قطرہ ہی سے ہے لہر ابر و آبشار
صرف خون کو خون سے نہیں کوئی آبیاری

نفسِ شیطان کے ہیں یہ عروجِ کمالات
چھن گئی جن سے عزتِ نفس و خودداری

قوم کی تقدیر بن گئی قسمت کا کھیل
آج اس کی باری تو کل اس کی باری

نہیں بدلتا وہ ایسی قوموں کی تقدیر
جہاں سفید کو ہو سیاہ کی ریا کاری

اب تو سمجھو ابن خلق جوڑ لو تعلق
عشقِ رسول و خوفِ خدا ہو تم پہ طاری

تمہاری روحیں کیوں جسموں سے جدا جدا
تم سب تو ہو ایک خدا کے پجاری

اے خدا چھین لے میرا علم مجھ سے
جو حائل ہو میری شَبِ عبادت گزاری

تیرا گھر ایک ہر گھر میں تیرا کلام ایک
ایک کو دوسرے سے پھر کیوں ہے بیزاری

ابلیس نے ایک بار جو بہکا دیا
بنی آدم نے اختیار کرلی وہی روش ساری

محمودالحق​

 

نعیم بھائی بہت دکھ ہوتا ہے کہ ہر جگہ نا انصافی، اقربا پروری، سفارش، رشوت،ایک دوڑ لگی ہے روندند ڈالنے کی اور کیا زمانہ آگیا برے کو برا کہنے کا رواج ہی ختم ہو گیا اچھائی ایک طعنہ بن کر رہ گئی انسان کے مرتبہ کا اس کی مادی حیثیت سے تعین کیا جاتا ہے پڑھا لکھا انسان ایک فلسفہ بن کر رہ گیا جس کے بارے میں گمان کیا جاتا کہ وہ کامیابی کی سیڑھی چڑھنے کی اہلیت نہیں رکھتا تعلیم یافتہ وہی سمجھا جاتا ہے جو تعلیم کی بدولت زیادہ کماتا ہے
جب انسان بلندی چھو لیتا ہے تو اسے دوسرے لوگ چھوٹے نظر آتے ہیں مگر اصل میں وہ بڑا نہیں ہو جاتا بلکہ وہ خود ان سے دور چلا جاتا ہے
خواجہ میر درد نے کیا خوب کہا کہ

درد دل کے واسطے پیدا کیا انسان کو
ورنہ طاعت کے لیے کچھ کم نہ تھے کروبیاں ​

اس لئے تو میرے کلام کا نام ہی در دستک ہے

 

ثمہ آمین! نعیم بھائی
بجا فرمایا آپ نے ! کلمہ حق کہنا چاہئیے مصلحت پسندی سے اگر سچ کی حق تلفی ہو تو خاموشی گناہ ہے
اللہ تعالی ہمیں سیدھی راہ دکھائے آمین