سکندر کا تفتیش میں پولیس سے عدم تعاون، جھوٹ پکڑنے والی مشین استعمال کی جائیگی

سکندر کا تفتیش میں پولیس سے عدم تعاون، جھوٹ پکڑنے والی مشین استعمال کی جائیگی

اسلام آ باد (آئی این پی+این این آئی) اسلام آبا د واقعہ کے ملزم سکندر کے سینے میں زخم کے باعث مخصوص ڈریسنگ ہوگی، سکندر کے سینے اور پیٹ کا سی ٹی سکین کیا جا سکتا ہے۔ اتوار کو پمز ہسپتال کے ڈاکٹر وسیم خواجہ کے مطابق ملزم سکندر کے سینے میں زخم کے باعث مخصوص ڈریسنگ کی جائیگی۔ سکندر کی ٹانگ کا زخم بہتر ہے تاہم ابھی پلاسٹر موجود ہے۔ ڈاکٹر نے کہا کہ سکندر کے سینے اور پیٹ کا سی ٹی سکین کیا جا سکتا ہے۔ ڈاکٹر وسیم خواجہ نے کہا کہ سکندر نے ہسپتال میں شیو اور کٹنگ کرائی۔ سکندر اب صوفے پر بیٹھ کر ناشتہ کرتا ہے اور اسے ہائی پروٹین غذا دی جارہی ہے جس میں چکن سوپ، انڈہ اور دیگر غذائیں شامل ہیں جو اسے کھلائی جا رہی ہیں۔ ادھر پولیس ذرائع نے کہا ہے کہ ملزم سکندر تفتیش میں تعاون نہیں کر رہا، وہ کبھی غلط بیانی کرتا ہے کبھی خاموشی اختیار کر لیتا ہے۔ پولیس نے ملزم سکندر سے بیان لینے کی کوشش کی ہے تاہم وہ تعاون نہیں کر رہا۔ پولیس نے فیصلہ کیا ہے سکندر سے جھوٹ بولنے کا پتہ چلانے والی مشین کے ذریعے پوچھ گچھ کی جائیگی۔ قبل ازیں سکندر کی اہلیہ کنول کا بھی پولی گرافکس ٹیسٹ لیا گیا تھا۔ پولیس ذرائع کے مطابق سکندر حیات کا جسمانی ریمانڈ حاصل کرنے کے بعد تفصیلی بیان لیا جائیگا۔ علاوہ ازیں پولیس نے اسلام آباد واقعہ کیس میں ملزم اختر اور ملزمہ کنول کے خلاف (آج) پیر کو نامکمل چالان پیش کرنے کا فیصلہ کر لیا۔ ذرائع کے مطابق سکندر کی اہلیہ کنول اور سکندر کو اسلحہ فراہم کرنے والے ملزم اختر کو آج انسداد دہشتگردی کی خصوصی عدالت اسلام آباد میں پیش کیا جائیگا۔ انسداد دہشت گردی کی عدالت کے جج عتیق الرحمان کیس کی سماعت کریں گے۔ پولیس نے کیس میں اب تک 12 گواہوں کے بیانات قلمبد کیے ہیں ان گواہوں میں ڈرائیور امجد، 2 ہوٹل ملازمین اور پولیس افسران شامل ہیں تاہم مرکزی ملزم سکندر اور مرکزی گواہ زمرد خان کے بیانات ابھی تک قلمبند نہیں کیا جاسکے۔
​

 

سکندر ہے کوئی معمولی بندہ تو نہیں شکر ہے اس کے نام کے ساتھ اعظم نہیں ہے

 

جی ہاں لیکن اس کا مشن پتہ نہیں اتنا ہی تھا یا کچھ اور بھی تھا

 

اگر میڈیا نہ ہوتا تو ہمیں کچھ پتہ نہ چلتا ،اور اب وہ احکام کے حوالے ہے ہمیں وہی پتہ چلے گا جو حکومت بتائے گی