نی سیو میں سفنے ویچن آئی اک سفنا میرا رنگلے پلنگھ دا وچ مسہری لائی ایہ میں ویچنا اوس سکھی نوں جو ڈولی وچ آئی اک سفنا میرا چیتر رُت دا ایس دا مُل ودھیرا ایہ میں ویچنا اوس الھڑ نوں جس تے نویں جوانی آئی اک سُفنا میرا سون دی رُت دا ایہدا ماہی ورگا بھیس ایہ میں اُس مٹیار نوں دینا جس دا سائیں پردیس اک سُفنا میں سُکنے پایا پوہ دی راتیں پالے ٹھردا ایہ میں دینا اوس کُڑی نوں جس دا ماہی باڈر وسدا اک سُفنا میرا ادھورانا ایہ نہ ویچن آئی اِس وچ من دا میت دسیوے اِس دا مُل نہ کائی نی سیو میں سُفنے ویچن آئی