سوئے حرم جو ہے نکلی وہ راہ ذاتِ عمرؓ ۔۔ریاض احمد قادری

سوئے حرم جو ہے نکلی وہ راہ ذاتِ عمرؓ
خدا پرستوں کی ٹھہری پناہ ذاتِ عمرؓ

خدا سے مانگا انہیں ہے دعا میں آقاﷺ نے
ہوئی حضورﷺ کی جس پر نگاہ ذاتِ عمرؓ

انہی کے نام سے منسوب عدل اور انصاف
ملی ہے عدل کی جس کو کلاہ ذاتِ عمرؓ

فلاح و فوز کا ہر سلسلہ چلا انؓ سے
برائے حضرتِ انساں رفاہ ذاتِ عمرؓ

جو بس اکیلے ہی لشکر کا روپ رکھتے تھے
خدا نے دین کو بخشی سپاہ ذاتِ عمرؓ

جو مصطفیٰ ﷺ نے کہا بس وہی اٹل سمجھا
ذرا نہ رکھتی تھی کوئی اشتباہ ذاتِ عمرؓ

نبیﷺ پہ جان چھڑکتے تھے وہ ریاضؔ احمد
فنائے الفتِ عالم پناہ ﷺ ذاتِ عمرؓ
-----
ریاض احمد قادری​