سرکارﷺ نے عرب کو بھی ذیشاں بنا دیا ۔۔ غلام ربانی فداؔ

تھا ریگزار جس کو گلستاں بنا دیا
سرکارﷺ نے عرب کو بھی ذیشاں بنا دیا

شق القمر کا معجزہ دکھلا کے آپ نے
مکہ کے بدوؤں کو مسلماں بنا دیا

باطل پرست ہو گئے حق آشنا سبھی
جاہل تھے ان کو حاملِ قرآں بنا دیا

جو بکریاں چراتے تھے ان کو حضور نے
اسلام دینِ حق کا نگہباں بنا دیا

سرور نے دید خواب میں کروا کے اے فداؔ
ذرّے کو آفتابِ درخشاں بنا دیا
٭٭٭
غلام ربانی فداؔ ۔۔۔ گلزَارِ نعتﷺ
​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین