سرکارﷺمجھکو آپ کا جلوہ نصیب ہو ۔۔۔ شاداب ساقی اعظمی

سرکارﷺمجھکو آپ کا جلوہ نصیب ہو​

میری قضا سے پہلے خدارا نصیب ہو

اے کاش مجھکو روضے پہ جانا نصیب ہو
شہر نبی میں میرا ٹھکانہ نصیب ہو

عنبر گلاب و مشک سے رہتے ہیں دور وہ
جن کو مرے نبی کا پسینہ نصیب ہو

کرتے ہیں رشک حور و ملک ان کے بخت پر
عشقِ نبی میں جن کو بھی مرنا نصیب ہو

ہے التجا یہ تجھ سے مری رب ذوالجلال
صحنِ حرم میں مجھکو بھی سجدہ نصیب ہو

ہوگا وہ سر بلند زمانے میں بالیقیں
جس کو حسن حسین کا صدقہ نصیب ہو

ساقی کی آرزو ہے کہ دستِ رسولﷺ سے
کوثر کا جام حشر میں پینا نصیب ہو
-----
شاداب ساقی اعظمی چریاکوٹ ،مئو​

مجلہ پیام خواتین فیس بک گروپ کا تیرہواں آن لائن فی البدیہہ طرحی مشاعرہ
13 ستمبر تا 16 ستمبر 2018​

 

صلی اللہ علیہ وآلہ وسلم
کرتے ہیں رشک حور و ملک ان کے بخت پر
عشقِ نبیﷺ میں جن کو بھی مرنا نصیب ہو​

 

صلی اللہ علیہ وآلہ وسلم
ہوگا وہ سر بلند زمانے میں بالیقیں
جس کو حسن حسین کا صدقہ نصیب ہو​

 

صلی اللہ علیہ وآلہ وسلم
ساقی کی آرزو ہے کہ دستِ رسولﷺ سے
کوثر کا جام حشر میں پینا نصیب ہو​

 

سبحان اللہ ـ جزاک اللہ

 

اللہ تعالیٰ آپ کو بھی جزائے خیر عطا کرےآمین

 

اللہ تعالیٰ آپ کو بھی جزائے خیر عطا کرےآمین