سرائیکی اشعار

واہ! واصف بھائی! بہت خوب کہا

 

فریدا بھوم رنگاولی ، منجھ وسولا باغ
جو جن پیر نوازے تنہاں انچ نہ لاگ

 

واہ صدیقی صاب! بہت ودِیا۔

 

سوہنڑا سائیں کمال کر چھوڑیا ہوے ۔

 

کیا حال سناواں دل دا
کوئی محرم راز نہ ملدا
منہہ دھوڑ مٹی سر پایم،
سارا ننگ نمود ونجایم ،
کوئی پچھن ویہڑے نہ آیم،
ھتھوں الٹا عالم کھلدا ،
کوئی محرم راز نہ ملدا،
آیا بار برہوں سِر باری،
لگی ھو ھو شہر خواری ،
روندے عمر گذاریم ساری۔
ناں پایم ڈس منزل دا ،
کیا حال سناواں دل دا ،
دل یار کِتے کرلاوے ،
تڑپھاوے تے غم کھاوے ،
ڈکھ پاوے سُول نہاوے ،
ایہو طَور تیڈے بیدل دا،
کیا حال سناواں دل دا،
کئی سہنس طبیب کماون،
سئے پڑیاں گھول پیاون،
میڈے دل دا بھید پاون،
پوے فرق نہیں ھِک تِل دا،
کوئی محرم راز نہ ملدا ،
پنھو ہوت نہ کھڑ مو کلایا،
چھڈ کلہڑی کیچ سدھایا ،
سوہنے جان پچھان رُلایا ،
کوڑا عذر نبھایم گھلدا ،
کوئی محرم راز نہ ملدا،
کیا حال سناواں دل دا

 

سائیں ہے خواجہ غلام فرید سرکار دا کلام ہے ۔ پسند کرنڑ دی مہربانی۔

 

کوئی نوں کلام پوسٹ کرو ہا ۔

 

بن دلبر شکل جہان آیا،
ہر صورت عین عیان آیا،
کتھے آدم :as: کتھے شیث :as: نبی،
کتھے ابراہیم خلیل :as: نبی،
کٹھے یوسف :as: وچ کنعان آیا،
کتھے عیسیٰ :as: تے الیاس نبی :as:
کتھے لچھمن رام تے کان آیا
کتھے زکریا :as: کتھے یحییٰ :as: ہے
کتھے موسیٰ :as: بن عمران آیا ،
بوبکر عمر عثمان کتھاں
کتھے اسداللہ ذیشان آیا َ
کتھے حسن حُسین شہید بنے
کتھے مرشد فخر جہان آیا
کتھے احمد :saw: شاہ جہاناں دا ،
محبوب سبھے مقبولاں دا ،
استاد نفوس عقولاں دا ،
سلطاناں سر سلطان آیا،
تنزیل کتھاں جبریل :as: کتھاں
توریت زبور انجیل کتھاں
آیات کتھاں ترتیل کتھاں
حق و باطل دا فرقان آیا
کُل وچ کُل شے ظاہر ہے
سوہنڑا ظاہر عین مظاہر ہے ،
کتھے ناز نیاز دا ماہر ہے ،
کتھے درد کتھے درمان آیا ،
کتھے ریت پریت دا ویس کرے ،
کتھے عاشق پردیس پھرے ،
کتھے گل وچ مارو کیس دھرے ،
لُٹ دھاری تھی مستان آیا،
کتھے پنڈت جوسی جوگی ہے ،
کتھے سامی تے کتھے بھوگی ہے ،
کتھے مصر براگی روگی ہے،
کتھے بید بیاس گیان آیا ،
خاموش فرید اسرار کنوں
چُپ بےہودہ گفتار کُنوں
پر غافل نہ تھی یار کنوں
ایہو لا رَیبی فرمان آیا۔​

 

سائیں ہے لکھیا ہے خواجہ غلام فرید سرکار کوٹ مٹھن شریف والے۔

 

اتھاں میں مٹھڑی نِت جان بلَب ،
او تاں خوش وسدا اے وچ ملک عرب،
ہر ویلے یار دی تانگھ لگی ،
سُنج سینے سک دی سانگ لگی،
ڈُکھی دلڑی دے ہتھ ٹانگ لگی ،
تھئے مِل مِل سُول سمولے سبھ،
تتی تھی جوگن چودھاری پھراں،
ہند سندھ ، پنجاب تے ماڑ پھراں،
سنج بر تے شہر بازار پھراں ،
متاں یار ملیم کہیں سانگ سبب ،
توڑے دھکڑے دھوڑے کھاندڑی ہاں ،
تیڈے نام توں مفت وکاندڑٰ ہاں
تیڈے باندیاں دی میں باندڑی ہاں
ہے تیڈے در دے کتیاں نال ادب ،
واہ ڈھولا یار سجنڑ ،
واہ سانول ہوت حجاز وطن
آ ڈیکھ فرید دا بیت حزن ،
ہِم روز ازل دی تانگھ طلب

حضرت خواجہ غلام فرید کوٹ مٹھن شریف​

 

مینڈا عشق وی توں مینڈا یار وی توں ،
میڈا دین وی توں منڈا ایمان وی توں ،
مینڈا جسم وی توں مینڈا روح وی توں
مینڈا قلب وی توں،جند جان وی توں ،
مینڈا کعبہ قبلہ مسجد ممبر مُصحف تے قرآن وی توں
میڈے فرض فریضے حج زکوٰتاں ، صوم صلاۃ اذان وی توں،
مینڈا ذکر وی توں مینڈا فکر وی توں ، میڈا ذوق وی توں وجدان وی توں
مینڈا سانول مٹھڑا شام سلونڑا من موہن جانان وی توں ،
مینڈا مرشد ھادی پیر طریقت شیخ حقائق دان وی توں،
مینڈی آس امید تے کھٹیا وٹیا تکیہ مانڑ تے ترانڑ وی توں،
مینڈا دھرم وی توں مینڈا بھرم وی توں مینڈا شرم وی توں مینڈی شان وی توں
مینڈا ڈُکھ سُکھ رو وَنڑ کھلنڑ وی توں مینڈا درد وی توں درمان وی توں،
مینڈا خوشیاں دا اسباب وی توں ، مینڈے سولاں دا سامان وی توں ،
مینڈا حُسن تے بھاگ سُہاگ وی توں مینڈا بخت تے نام و نشان وی توں،
مینڈا ڈیکھنڑ بھالنڑ جاچنڑ جوچنڑ ، سمجھنڑ جانڑ سُنجانڑ وی توں ،
مینڈے تھدڑے ساہ تے مونجھ مُنجھاری ہنجنڑوں دے طوفان وی توں ،
مینڈے تلک تلوے سیندھاں مانگھاں ناز نہورے تان وی توں ،
مینڈی مہندی کجل مُساگ وی توں، مینڈی سُرخی بیڑا پان وی توں،
مینڈی وحشت جوش جنون وی توں ، مینڈا گِریہ آہ و فغان وی توں ،
مینڈا شعر عروض قوانی وی توں، مینڈا بحر وی توں اوذان وی توں،
مینڈا اول آخر اندر باہر ، ظاہر تے پنہاں وی توں ،
مینڈا فردا تے دیرزوی وی توں ، الیوم وی توں الان وی توں ،
مینڈا بادل برکھا ، کھمڑیاں گاجاں بارش تے باران وی توں ،
مینڈا ملک ملیر تے مارو تھلڑا روہی چولستان وی توں،
جے یار فرید قبول کرے سرکار وی توں سلطان وی توں ،
نہ تاں کہترا کمترا حقر ادنےٰ ، لاشئے لا امکان وی توں ،

 

آمین

 

ماڈی دلڑی اڑی یار سجنڑ دے سانگ
جیندیں میلا رب کرم جوہ جتن دے سانگ
ناز و ڈھول دے ناز وے ہر ہر ونڑ دے سانگ
بھلڑے سَکڑے سوہرڑے من موہن دے سانگ
لانی پھوگ پھُلاری سب پن پن دے سانگ
وقت ضعیف بوڈھیپڑے سن جوبن دے سانگ
تانگ فرید نوں آکھدے بیت حُزن دی سانگ