سدا جو صدا دے رہے تھے خدارا ۔۔۔ زنیرہ گل (اصلاح طلب)

سدا جو صدا دے رہے تھے خدارا
سدا کر رہے تھے انہی سے کنارا
لبوں پر ترانے محبت کے ان کے
اور اپنی شرافت کرے آشکارا
مری بگڑی مورت کو موہوم کر کے
بہت خوبصورت انہوں نے سنوارا
اگر چہ کہ ان سے محبت بہت ہے
حیا کاجو پردہ خدا نے اتارا
وہی خوبصورت نظر آرہے ہیں
جنہوں نے لیا گھونگٹ کا سہارا
جو اک بار ہم نے کیا فیصلہ ہے
نہیں سوچتے پھر اسی پر دوبارہ
بنا کے رکھی ہے یہ دوری جو گل نے
مگر ان کے بن اب نہیں ہے گزارا


زنیرہ گل​

 

زنیرہ بہن جی بہت خوب۔

زور قلم اور ذیادہ۔

 

بہت بہت شکریہ

 

بہت خوبصورت ،غیرمردف اور ہئیت کے اعتبارسے غزل،اچھی کاوش ہے۔سدا جو صدا دے رہے تھے خدارا۔۔۔۔۔۔۔سدا کررہے تھے اُنہی سے کنارا(یہاں تھے کی جگہ ہیں ہوتا یعنی سدا کررہے ہیں اُنہی سے کنارایاپورا مصرع یوں ہوتا ؛سدا کررہے تھے اِسی پر گزارا۔۔یا۔۔تو اب کررہے ہیں اُنہی سے کنارا )اگرچہ کہ اُن سے محبت بہت ہے۔۔۔۔حیاکا جو پردہ خدا نے اُتارا(دوسرے مصرعے میں ابلاغ کی کمی ہے؛حیاکو مگر یہ نہیں ہے گوارا ؛سے شاید یا اِس کے قریب کی کسی بات سے ممکن ہے یہ کمی پوری ہوجائے فی الحال تو مصرعے میں ادب ،پاس ،لحاظ اوراحتیاط جو آپ کا مدعا تھا،کی جگہ غیرارادی طور پر یا شاعری کے ضابطوں کو نبھاتے نبھاتے مجبوراً ایک دھمک سی پیدا ہوگئی ہے یعنی یہ مصرع دھمکی لگتا ہے) وہی خوبصورت نظر آرہےہیں۔۔۔۔۔۔۔جنھوں نے لیا گھونگٹ کا سہارا؛یہاں چلمن اور چلمن سے چلمنوں لفظ پر غور کیجیے گا تو یہ مصرع یوں ہوجائیگا؛جنھوں نے لیا چلمنوں کا سہارا۔
جو اک بار ہم نے کیا فیصلہ ہے ۔۔۔۔۔۔۔نہیں سوچتے پھر اِسی پر دوبارہ؛(نہیں سوچتے ہم اِس پر دوبارہ ؛نہیں سوچتے ہم کبھی بھی دوبارہ؛تو پھر سوچتے ہی نہیں ہم دوبارہ؛تو کیا سوچنا ہے سنو تم دوبارہ ؛یہ موقع تھا عزم کی طاقت کے بھرپور اور طلاقتِ لسانی کے معقول مظاہرے کا۔تو دونوں ہی باتیں موجود ہیں،واہ واہ زنیرہ!!)
بناکے رکھی ہے یہ دوری جو گل نے ۔۔۔۔۔مگر اُن کے بن اب نہیں ہے گزارا( بِن اور بَنا کے صوتی تغیرمیں بھی آہنگ تو ہے،رِدم بھی موجود ۔وا ہ واہ زنیرہ!!)

 

بہت بہت شکریہ محترم
آپ کی اس محبت کے مشکور و ممنون ہیں بہت خوبصورت انداز میں آپ نے اصلاح کی ہے
کوشش کرونگی بہتر کرنے کی
اللہ جزائے خیر دے آمین

 

لانجائنس کا یہی مقولہ اور عمل رہا ہے کہ آپ اپنی تحریر لکھ کر کچھ دیر کچھ دن بعد پڑھیں ۔وہ سنورتی چلی جائیگی اور سنورتے سنورتے ممکن ہے کہ ایک بڑے فنپارے کے رتبے کو پہنچ جائے۔اُسے یہ مقام اُس کا خالق ہی دلا سکتا ہے ۔اور زنیرہ بی بی،شعروسخن اور نثر نگاری میں ، میں خود بھی نوآموز ہوں،آپ کی غزل پر جورائے دی ہے ،وہ بجائے خود اصلاح طلب ہے۔لیکن مجھے اِس غزل کی فضافورم پر پیش آنیوالے واقعات کے پس منظر میں، خاصی لائیو(زندہ،سانس لیتی،مبنی برحقیقت ،انسانی طبیعت کا تقاضااور فطرت کا واقعی اور وقوعی مقتضالگتی ہے،میں گڑھے مُردے نہیں اکھاڑرہا نہ۔۔۔۔۔۔۔زخموں پر نمک پاشی )
ہماری شاعری میں جان اور نثرنگاری میں شان ہی اُس وقت پیدا ہوتی ہے جب ہم زندہ ،سانس لیتی زندگی کا زندہ ،سانس لیتا اثر قبول کرتے ہیں۔ایسے میں ہمارے تاثرات کا اظہاریا مظاہرہ۔۔۔۔۔۔۔وہ بھی زندہ، سانس لیتا ہوااور دل دھڑکانے والا ہوتا ہے یعنی دوسروں کے لیے فکرانگیز،خیال افروز ،خیال پرور، خیال آفریں ، دلکشا،دلربا ۔۔۔۔۔۔۔۔۔۔۔۔دلدوز،دلفروز،متاثر کن۔

 

محترم جناب ًمحمد سعید سعدی صاحب اورجناب شکیل احمد خان صاحب
طالبِ اصلاح غزل ایک بار پھر آپ کی خدمت میں پیش کر رہی ہوں

سدا جو صدا دے رہے تھے خدارا
میں کر تی رہی ہوں انہی سے کنارا
لبوں پر ترانے محبت کے ان کے
وہ اپنی شرافت کرے آشکارا
مری بگڑی مورت خیالوں میں لاکر
بہت خوبصورت انہوں نے سنوارا
اگر چہ محبت بھی ان سے حیا بھی
شریعت میں پردہ خدا نے اتارا
وہی خوبصورت نظر آرہے ہیں
جنھوں نے لیا چلمنوں کا سہارا
جو اک بار ہم فیصلہ کر چکیں تو
نہیں سوچتے پھر اسی پر دوبارہ
بناکے رکھی ہے یہ دوری جو گل نے
مگر ان کے بن بھی نہیں ہے گزارا

زنیرہ گل

 

میں نے یہ غزل عروض۰کام پر ٹیسٹ کی وزن اور بحرمیں پوری اُتری۔البتہ فکشن کو بہتر ڈکشن درکار ہے ،انشاء اللہ کوشش کروں گااِسی بحراور وزن میں بہتر ڈکشن لانے کی۔۔۔شکیل احمد خان

 

ہل من مزید۔۔۔۔۔۔۔۔۔

 

بہت خوبصورت ہے انداز بھائی
مری ٹوٹی پھوٹی غزل کو نکھارا

بہت بہت شکریہ

 

مگر اِس میں گنجائش اب بھی ہے باقی۔۔۔۔۔۔۔۔۔۔کہ خونِ جگر سے بنے شاہ پارہ

 

میرے لیے ہے اتنا بھی کافی ............................. اوزان کو اک حد تک سدھارا

 

شکیل احمد صاحب.. زنیرہ گل صاحبہ....
بہت خوب

بہت کچھ یہاں سیکھنے کو ملا ہے
بہت ہو گئی بس کرو اب خدارا



بہترین مثالوں کے ساتھ .. نت نئے زاویے ہر مصرعے کے
کیا کہنے وااہ

"بہت ہو گئی بس کرو اب خدارا"
یہ مصرعہ ازراہِ تفنن لکھا ہے ورنہ علم کی کوئی حد نہیں ہوسکتی

 

بہت بہت شکریہ محترم آپ کی بہت زیادہ محبت ہے آپ سے بہت کچھ سیکھنے کو ملا ہے

میری تو دعا ہے کہ

یوں جاری رہے سیکھنے کا عمل اور
رواں اور دواں کارواں ہو ہمارا

 

بہت بہت شکریہ

بہن یہ آپ سب کی محبت ہے

 

مجھے مت روکو۔۔۔۔۔۔۔۔۔۔۔۔مجھے گانے دو!

​

 

شکیل صاحب اب یہ غزل زنیرہ جی سے زیادہ آپ کی ہو گئی ہے

 

آپ نے بالکل صحیح فرمایا مگر اِس کے باوجود رستہ زنیرہ صاحبہ کو دکھا اور بتارہی ہے۔

 

جی درست فرمایا آپ نے

 

ہر لکھی ہوئی تحریر تو ادب نہیں ہے البتہ عرق ریزی اور دیدہ کاوی ،خون جگر سے لکھی تحریریں، خونِ صد ہزار انجم سے ہوتی ہے سحر پیدا۔۔۔۔۔۔۔۔۔۔۔۔کی طرح نہیں تو کیاہیں؟

خشک سیروں تنِ شاعر میں لہو ہوتا ہے
تب نظر آتی ہے اِک مصرعۂ تر کی صورت

(امیر مینائی)​

 

خوش کلام شاعرہوں (قلی سےفرازتک)یا خوش نگار ادیب( آزادسےمختارتک)۔۔۔۔۔۔۔۔۔۔۔۔۔۔!

 

واہ کیا بات ہے
ماشاء اللہ یہ لڑی تو اتنی خوبصورت ہو چکی ہے کہ کیا کہنے
بہت بہت شکریہ آپ دونوں کا جن کی محبت مجھ پر نچھاور ہو رہی ہے اور میں استفادہ حاصل کر رہی ہوں
جزاکم اللہ خیراً کثیراً

 

بہت خوب شکیل بھائی بہت اچھے طریقے سے ساری کمی کو واضح کیا زنیرہ کے کلام میں وزن کہیں کہیں خراب ہو رہا ہے تھوڑا عروض کی طرف توجہ دلائیں تو بہت اچھا لکھ لیں گی

 

بہت بہت شکریہ محترم