ریکی سیاح نے اعترافِ جرم کے بعد معافی مانگ لی: شمالی کوریا

شمالی کوریا نے ایک امریکی سیاح کو گزشتہ ماہ حراست میں لینے کی تصدیق کرتے ہوئے دعویٰ کیا ہے کہ اس شخص نے کوریائی جنگ میں مبینہ جرائم کا مرتکب ہونے اور حالیہ دورے میں پیانگ یانگ کے خلاف ’’جارحانہ اقدامات‘‘ کرنے پر معافی مانگی ہے۔
شمالی کوریا کی سرکاری خبر رساں ایجنسی نے ہفتہ کو خبر دی کہ 85 سالہ میرل نیومین نے مبینہ طور پر ان سپاہیوں سے ملاقات کرنے کی کوشش کی جن کو انھوں نے شمالی کوریا کے خلاف لڑنے کی تربیت دی تھی۔
کورین سینٹرل نیوز ایجنسی کے مطابق امریکی شہری نے اقبال جرم کرتے ہوئے کہا کہ وہ بے گناہ شہریوں کے قتل کے علاوہ کوریائی عوام کے خلاف دیگر جرائم کے بھی مرتکب ہوئے تھے۔
نیومین ایک سیاح کی حیثیت سے شمالی کوریا گئے ہوئے تھے جب 26 اکتوبر کو اُنھیں دارالحکومت پیانگ یانگ میں ہوائی جہاز سے اتار کر گرفتار کر لیا گیا۔
نیومین کے خاندان والوں کا کہنا ہے کہ وہ وزٹ یعنی سیر کے مصدقہ ویزے پر شمالی کوریا گئے تھے اور نیومین کی اہلیہ نے ان کی رہائی کے لیے پیانگ یانگ سے درخواست بھی کی تھی۔
نیومین کی اہلیہ لی نے گزشتہ ہفتے کہا تھا کہ انھیں اپنے شوہر کی صحت کے بارے میں کچھ معلوم نہیں اور نہ ہی یہ پتا ہے کہ انھیں بھیجی جانے والے ادویات انھیں موصول بھی ہوئیں یا انھیں کیوں حراست میں رکھا گیا ہے۔
نیومین اپنے ایک پڑوسی باب ہمرڈلا کے ہمراہ شمالی کوریا آئے تھے، مسٹر ہمرڈلا کو امریکہ واپس جانے کی اجازت دے دی گئی تھی۔
http://www.urduvoa.com/content/north-korea-us/1800752.html

 

یہ ضرور کوئی امریکی جاسوس ہو گا ۔

 

جن ملکوں کی سیکورٹی مضبوط ہے وہاں امریکی جاسوس کامیاب نہیں ہو سکتے

 

جناب امریکہ پوری کوشش کرتا رہتا ہے ہر ایک کو اپنا غلام بنانے کی جو طاقت ور ہو گے ہیں وہ اس کے ہاتھ نہیں آتے جو ہماری لیڈر شپ کی طرح ہیں انہیں وہ غلام بنائے رکھتا ہے

 

امریکہ تو شروع ہی سے طاقت سے دباتا چلا آ رہا ہے ۔اسے ہر وہ طریقہ اچھا لگتا ہے جس سے اسکی اجاراداری قائم ہو

 

یہ لوگ وطن پرست ہیں ۔ اپنے وطن کے لئے عمر لگائی ہے اس نے

 

پوری دنیا کا سب سے طاقت ور ملک ہے ۔ہر ٹیکنالوجی ہے اس کے پاس ۔طاقت کے نشے میں چور چور ہے

 

امریکہ کی آرمی دنیا کی سب سے بزدل آرمی ہے ۔ان کی اجارہ داری صرف ٹیکنالوجی کی وجہ سے ہے ۔

 

امریکہ والوں کے پاس ابھی لوٹ مار کی ہوئی بہت دولت ہے۔ابھی فاقوں کی نوبت نہیں آئی وہاں

 

دنیا کے کاروبار جب تک ڈالر میں چلتے ہیں ،بہت مشکل ہے امریکہ کی طاقت میں کوئی فرق آئے ۔لیکن سب سے بڑی طاقت تو اللہ پاک ہیں وہ چاھیں تو ایک پل میں سب کچھ ہو سکتا ہے