روشن چراغ محفل امکاں بنا دیا ۔۔۔ بے ہوش محبوب نگری

روشن چراغ محفل امکاں بنا دیا
انسانیت کا آپ کو عنواں بنا دیا

تاریک دل کو کعبہ ایماں بنا دیا
جس پر نگاہ کی اسے انساں بنا دیا

تنویر صبح کر دیا صورت کے حُسن کو
سیرت کو نورِ جادۂ عرفاں بنا دیا

سورج پلٹ کے آیا کبھی شق ہوا قمر
یوں مہر و مہ کو تابع فرماں بنا دیا

اللہ رے جمالِ محمدﷺ کی تابشیں
یوسف کو جس نے دیدۂ حیراں بنا دیا

ملتا ہے لا الہ سے توحید کا شعور
ہر شرک سے نجات کا ساماں بنا دیا

ہر پیر و رسول ہے مقبول کبریا
نسبت کو اپنی نازشِ ایماں بنا دیا

ظلمت کدہ تھا عالم امکاں ترے بغیر
نقش قدم نے جس کو درخشاں بنا دیا

بے ہوشؔ کو عطا ہوا حب نبی کا جام
قسمت نے مور کو بھی سلیماں بنا دیا
٭٭
بے ہوش محبوب نگری ۔۔۔ (ہوشِ نعتﷺ )​

 

اللہ تعالیٰ آپ کو بھی جزائے خیر عطا کرے آمین

 

اللہ رے جمالِ محمدﷺ کی تابشیں
یوسف کو جس نے دیدۂ حیراں بنا دیا​

 

ظلمت کدہ تھا عالم امکاں ترے بغیر
نقش قدم نے جس کو درخشاں بنا دیا​

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین

​

 

ماشاءاللہ
عمدہ کلام
جزاک اللہ خیراً کثیرا​

 

اللہ تعالٰی آپ کو بھی جزائے خیر عطا کرے آمین

​