روز و شب ماہ و سال جاری ہے ۔بلال رشید

روز و شب ماہ و سال جاری ہے
مدحت ذاولجلال جاری ہے
آج بھی حمد میں عقیدت سے
شعر کا استعمال جاری ہے
گو کہ پیہم ہیں نعمتیں اس کی
لب پہ پھر بھی سوال جاری ہے
دیکھ اہل جنوں کی جانب سے
عشق حق میں دھمال جاری ہے
اس کے احکام بھول بیٹھے ہیں
اس لیے ہی زوال جاری ہے
دشمنان خدا سے امت کی
آج بھی بھیڑ چال جاری ہے
لاکھ اپنی خطاوں کے ہوتے
فضل اس کا بلال جاری ہے
----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین