روح طیبہ کی فضا میں ہے مِرے تن میں نہیں ۔۔۔ ایاز صدیقی

روح طیبہ کی فضا میں ہے مِرے تن میں نہیں
"کون کہتا ہے مِری پرواز گلشن میں نہیں "

آپﷺ کے صدقے میں سب کچھ دے دیا اللہ نے
کونسی نعمت مِرے بھرپور دامن میں نہیں

ہے محیطِ ہر دو عالم سبز گنبد کی بہار
کونسا منظر مِرے آقاﷺ کے مسکن میں نہیں

آپﷺ کے اوصاف لفظوں میں بیاں کیسے کروں
اتنی گنجائش ابھی توصیف کے فن میں نہیں

گریۂ ہجرِ محمدﷺ میں انوکھا لطف ہے
جو مزہ آنکھوں کے جل تھل میں ہے ساون میں نہیں

جس کے پتوں پر نہ ہو تحریر نامِ مصطفےٰﷺ
ایسا کوئی پیڑ میرے گھر کے آنگن میں نہیں

آپ کے روضے کی جالی سے جو چھنتی ہے ایاز
وہ تجلی وقت کے تاریک روزن میں نہیں
٭٭٭
ثنائے محمدﷺ ... ایاز صدیقی​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین