رضی طاہر کی شاعری

رضی طاہر کی شاعری ۔ ۔ ۔

اپنے پرائے سب ہی جذبات سے کھیلے
ہم بھی جیسے تیسے حالات سے کھیلے
کیسے رہ پاتے قائم مجلس کے آداب
حضرت خود ہی جو حضرات سے کھیلے
کس درجہ زخمی ہوئے تم ہی بتاﺅ
اپنی ہی ذات میں تضادات سے کھیلے
اور کچھ نہیں سبب خانہ دل کی خرابی کا
بس تہذیب نوی کی خرابات سے کھیلے
ہم سے باغی بھی کم ہی ہوں گے طاہر
اپنے ہی قبیلے کی روایات سے کھیلے

اپنے پرائے سب ہی جذبات سے کھیلے

​

 

جواب: رضی طاہر کی شاعری

کسی کا اب بھی انتظار ہو جیسے !!


خشک پتوں میں خمار ہو جیسے
کسی کا اب بھی انتظار ہو جیسے

گہری رات میں آنکھ نہ لگنا
مجھے کسی سے پیار ہو جیسے

باغ میں کلیاں مسکرا رہی ہیں
تیرے ہونٹوں پہ بہار ہو جیسے

خاموش ہیں بام و در چھایا ہے سکتہ
حقیقت کوئی آشکار ہو جیسے

صبح و شام طاہر کا تڑپتے رہنا
تیرے محب کا شعار ہو جیسے


​

 

جواب: رضی طاہر کی شاعری

بہت خوبصورت شاعری ھے رضی شکریہ

 

جواب: رضی طاہر کی شاعری

بہت خوب رضی جی۔۔بہت اچھے شعر کہتے ہیں

 

جواب: رضی طاہر کی شاعری

شکریہ ملک بلال بھائی ۔۔ تبدیلی کردی ہے

 

جواب: رضی طاہر کی شاعری

اداس لمحے تیرے خمار میں بیت جاتے ہیں
بے شمار پل جیسے شمار میں بیت جاتے ہیں

بہت تکلیف دہ ہوتی ہے ادھورے خوابوں کی تعبیر
زندگی کے چار دن انتظار میں بیت جاتے ہیں

آتا ہے تیرا خیال سرد ہوا کے جھونکے کی طرح
بیقراری کے کچھ گوشے قرار میں بیت جاتے ہیں

رضی طاہر

​