راحت مصطفی ام سلمی کا نام ۔ بلال رشید

راحت مصطفی ام سلمی کا نام
ہے دلیل وفا ام سلمی کا نام
الفت حیدر و سیدہ کے سبب
خوب روشن ہوا ام سلمی کا نام
آپ ہیں مادر امت مصطفی
لیں ادب سے سدا ام سلمی کا نام
آپ خاتون جنت کی ہمراز تھیں
یوں بھی ہے پرضیا ام سلمی
مجھ کو محسوس احمد کی قربت ہوئی
جب بھی میں نے لیا ام سلمی کا نام
آپ ہیں راویہ شان سادات کی
یوں ہے سب سے جدا ام سلمی کا نام
باب جنت پہ شاہ مدینہ کے ساتھ
دست حق نے لکھا ام سلمی کا نام
عمر بھر جن سے راضی رہیں فاطمہ
ان میں ہے باخدا ام سلمی کا نام
میں ہوں ازواج احمد کا خادم بلال
ہے وظیفہ مرا ام سلمی کا نام
--------
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین