راجہ صاحب کو صدمہ

دنیا میں ماں باپ ہی ایسا رشتہ ہیں جنکی نیت و خلوص پہ ہم کبھی شک نہیں کر سکتے اور یہ ایسے رشتے ہیں جنکے جیسا اور کوئی نہیں ہو سکتا۔۔۔۔ماں ہستی ایسی ہے جو ہم سے اتنا پیار کرتی ہے جتنا کائنات میں کوئی انسان ہم سے نہیں کرتا ۔ اور ماں کے بچھڑ جانے کا دکھ وہی جان سکتا ہے جو اس جنت سے محروم ہو گیا۔ ایک ایسا خلا جو ساری دنیا کے رشتے بھی مل کر نہیں بھر سکتے۔یہی دکھ ہمارے بہت پیارے و محترم ساتھی راجہ صاحب کو ملا جنکی والدہ ماجدہ رضائے الہی سے انتقال کر گئیں

انا للہ وان الیہ راجعون



​

راجہ صاحب صدمہ تو یقینا ناقابل تلافی ہے لیکن ایسے مواقع پر دھیان اپنے خالق و مالک کی طرف ہوجائے کہ ہم سبھی جس کی جان جس کی امانت ہے۔ وہی مالک ہے۔ جب چاہے واپس بلا لے ۔ اس مرحلے سے کسی ذی روح کو اعراض نہیں سو ہمیں اپنے مالک کی مشیت کے سامنے سرتسلیمِ خم کرنا ہی ہے کہ بندگی کا تقاضائے اولین یہی ہے۔
بارِ دیگر والدہ مرحومہ کی بلندی درجات اور آپکے لیے صبر و استقامت کی دعا۔۔۔۔۔اللہ تعالی راجہ صاحب کو صبرِ جمیل عطا فرمائے اور ماں جی کو پیارے نبی صل اللہ علیہ وآلہ وسلم کے صدقے جنت الفردوس میں بی بی فاطمہ رضی اللہ عنہ کا ساتھ نصیب فرمائے۔
آمین
بجاہ سید المرسلین

 

انا للہ وان الیہ راجعون
مجھے بھی بہت دکھ اور صدمہ پہنچا ہے راجہ صاحب کی والدہ ماجدہ کے تقدیر الہیٰ سے وفات پا جانے پر۔لیکن دکھ اور افسوس کے علاوہ کچھ نہیں کر سکتے جو بھی اس دنیا میں آیا ہے ۔اپنا وقت پورا ہونے پر چلا جاتا ہے۔میری دعا ہے کہ اللہ پاک ان کو جنت الفردوس میں جگہ عطا فرمائے اور تمام لواحقین کو صبرو جمیل عطا فرمائے آمین

 

ان للہ وان الیہ راجعون
راجہ بھائی دلی دکھ ہوا ، اللہ کریم مغفورہ ماں جی کو جنت الفردوس میں بی بی فاطمہ رضی اللہ تعالیٰ عنہا کا پڑوس نصیب فرمائیں اور ان کی یاد ہمیشہ آپ کے دل میں رہے ، اللہ کریم آپ کو صبر دیں ۔

 

انا للہ و انا الیہ راجعون!
بہت افسوس ناک خبر ہے۔ اللہ کریم سے راجہ صاحب کی والدہ مرحومہ کی مغفرت کے لیے دعا گو ہوں۔
اللہ تعالی لواحقین کو صبر جمیل عطا فرمائے۔ راجہ صاحب اس دکھ میں ہم آپ کے ساتھ برابر کے شریک ہیں۔