دین حق کی زباں ماں خدیجہ مری ۔ (بلال رشید )

دین حق کی زباں ماں خدیجہ مری
عظمتوں کا نشاں ماں خدیجہ مری

نور سرکار کی پا کے نوری چمک
ہو گئیں زوفشاں ماں خدیجہ مری

جس کو پڑھتے ہوئے دل یہ بھرتا نہیں
ایسی ہیں داستاں ماں خدیجہ مری

علم دیں کی اقامت ہیں بنت نبی
علم دیں کی ازاں ماں خدیجہ مری

جس جگہ پر مکیں ہیں رسول خدا
بالیقیں ہیں وہاں ماں خدیجہ مری

اس کی بخشش کے ضامن ہیں شاہ امم
جس پہ ہیں مہرباں ماں خدیجہ مری

رازدار خدا ہیں ہمارے نبی
ان کی ہیں رازداں ماں خدیجہ مری

جس کے ممنون تھے خود شہ دوسرا
ہیں وہ عظمت نشاں ماں خدیجہ مری

لکھ رہا ہے بلال آج اکرام سے
آپ کی داستاں ماں خدیجہ مری
------
(بلال رشید )​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین