دَیارِ عِشق کا آقا نَجف میں رہتا ہے ۔ بلال رشید

دَیارِ عِشق کا آقا نَجف میں رہتا ہے
مرے حَضور کا پیارا نَجف میں رہتا ہے
سَلام کے لئے دُنیا نہ کیوں نَجف آئے
اِمامِ عَصر کا دادا نَجف میں رہتا ہے
جو شاہ ِ کَرب و بَلا ہے شہادتوں کا اَمین
اُسی حُسین کا بابا نَجف میں رہتا ہے
نَبی کے عِلم کا جِس سے چَراغ روشن ہے
وہ شمَع دِیں کا اُجالا نَجف میں رہتا ہے
جِسے رَسول نے خیبر میں خود نَوازا عَلم
من اللہ فتح کا مُژدہ نَجف میں رہتا ہے
سَند سے جِس کی وِلایت مِلی ہے وَلیوں کو
وہ ہر ولی کا وَسیلہ نَجف میں رہتا ہے
ہے فَرض جِس کی محبت ہر ایک مومن پر
بِلال میرا وہ مولا نَجف میں رہتا ہے
بلال رشید​

 

جزاک اللہ خیرا کثیرا

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین