دل کہہ رہا ہے گُل۔۔۔۔۔۔۔۔۔۔۔

میں ہوں ہر احساس سے عاری
مجھ میں کوئی سکت نہیں
سر سے سایا چِنتے دیکھا
پیروں سے زمین نکلتی
دَر دَر ٹھوکر کھا کے اب تو
ویرانوں کی باسی بن کر
تاریکی پہ راج کرونگی
اب میں خود کی اپنی بنوں گی.........
اب میں خود کی اپنی بنوں گی.........
زنیرہ گُل

 

وہ بِین بجاتا رہا
میں ناچتی رہی
وہ تھک گیا
میں ناچتی رہی
وہ بیزار ہوا
میں ناچتی رہی
وہ متنفر ہوا
میں ناچتی رہی
کیوں کہ ........................
جو سُر اس نے فضا میں چھوڑے تھے
وہ میرے وجود میں سرایت کر چکے تھے
اس کی پھونکیں ختم ہوئیں
مگر جو دھن میرے لیے وہ چھوڑ چکا تھا
وہ تسلسل سے میرے کانوں میں رس گھول رہا تھا
میں ناچتی رہی
میں ناچتی رہی .......
مجھے فضا سے محبت ہو گئی
وہ چھوڑ کا چلا گیا
میں اسے محسوس کر کے
اپنے اندر ایک احساس لیے
ناچتی رہی ناچتی رہی.....................
شاید یہی محبت تھی............ جسے میں پا چکی تھی

زنیرہ گُل

 

تیرے عشق میں
گم ہو جاؤں
اتنی سی بس خواہش ہے
اے میرے مولا
اے میرے مولا

زنیرہ گل

 

درد و غم سے نڈھال ہوں جاناں
یہ نہ پوچھو کہ حال کیا ہے اب
غم ہے ، غم بھی مگر قیامت کا
درد ہے، درد بھی قیامت کا..

زنیرہ گُل

 

فوٹو بہت بھیانک ہے

 

میرا حال بس یہی ہے
وہ ہے اور میں نہیں ہوں

زنیرہ گل

 

کیسے روکوں؟
کہ مت جاؤ...!!

تم تو سب کے ہو
میرا کوئی نہیں

زنیرہ گل

 

گلوں کی لطافت کے اپنے ہیں رنگ
گلوں کی نزاکت کے اپنے ہیں رنگ

گلوں کو رکھنا سنبھال کے ورنہ
گلوں کی کلفت کے اپنے ہیں رنگ

چبھ نہ جائے کہیں خار کی چبھن
محافظوں کی الفت کے اپنے ہیں رنگ

 

دل نے کہا
آزاد رہو، خوش رہو، آباد رہو
لیکن
دل تو اپنے طور پر سوچتا ہے
جانتا ہے یہ خواب ہیں سارے
ورنہ
آنسو درد دل سے ہی نکل کر چہرے کو تر رکھتے ہیں

زنیرہ گل

 

دروازے گر بند بھی ہوں
دوری کے پابند بھی ہوں
عشق پر کوئی زور نہیں
رستہ خود مل جاتا ہے
جب بھی دل
عشق کرنے پہ آتا ہے

زنیرہ گل

 

کیوں کھوئے کھوئے رہتے ہو
کیوں سوئے سوئے رہتے ہو

کیوں اپنے آپ پہ اعتماد نہیں
کیوں دل ناداں اب شاد نہیں

کیوں جذبات بولتے نہیں
کیوں خود کو ٹٹولتے نہیں

کیوں ایسا ویسا گمان کرتے ہو
کیوں شک کا سامان کرتے ہو

کیوں جفا کی روش اختیار کرتے ہو
کیوں سزا کی روش اختیار کرتے ہو

اک پل کے لئے ہی رک جاؤ کبھی
اک پل کے لئے ہی جھک جاؤ کبھی

 

احوال چھپانے کی
کوشش کی ہے بار ہا
لیکن چھپانے سے بھی
یہ سچ نہیں چھپتا
آنکھوں کی سرخی کو
چھپا لیتی ہیں پلکیں
آنسوں کبھی رکھتے ہیں
اے گل تیرا پردا

زنیرہ گل

 

کوشش کی بہر بیکراں سے دور رہوں
حسین و جمیل گلستاں سے دور رہوں

انساں کے بس میں کہاں ہے حادثات
قدرت چاہے تو بدل جاتے ہیں حالات

تیری صورت ڈھونڈتا پھر رہا ہوں
کہ اپنی قسمت ڈھونڈتا پھر رہا ہوں

وہ ہی میری دھڑکن وہ ہی میرا دل ہے
وہ ہی میری غزل وہ ہی میری منزل ہے

پہرے داروں سے اس کا پتہ معلوم کیا
چاند تاروں سے اس کا پتہ معلوم کیا

اک دن ضرورہوکر رہے گا تجھے دیدار
پہروں سے تھا جس کا تجھے انتظار

غوری

 

واہ کیا بات ہے

 

شکریہ

 

اک حقیقت تلاش کرتا ہے
عقلِ انسان ہو آزاد اگر

زنیرہ گل

 

وااااہ وااااہ کیا کہنے زنیرہ جی کمال کر دیا ہے
بہت عمدہ بہت خوب

 

ویسے اس عمدہ خیال کو ردیف قافیے کے ساتھ پابند کر لیں تو عمدہ قطعہ ہو جائے گا اور پھر کیا معلوم پوری غزل ہی ہو جائے

 

بہت بہت شکریہ محترم

جزاک اللہ خیراً کثیراً

 

اسے کہنا بچھڑکر بھی
محبت یاد رہتی ہے
جہاں محبوب رہتے ہوں
وہ بستی عمر بھر دل میں
مگر آباد رہتی ہے
اسے کہنا بچھڑنے سے
محبت مر نہیں جاتی
اسے پانے یا کھونے سے
محبت ڈر نہیں جاتی
بچھڑ کر بھی محبت کی
صداقت میں کمی نہ ہو
کیا ممکن ہے کہ دوری پر بھی
آنکھوں میں نمی نہ ہو؟
اسے کہنا بچھڑکر بھی
محبت یاد رہتی ہے
جہاں محبوب رہتے ہوں
وہ بستی عمر بھر دل میں
مگر آباد رہتی ہے

زنیرہ گل

 

واہ واہ۔۔۔۔

 

تیری آنکھوں میں شرارت ہے
تیری آنکھوں میں حرارت ہے

میری آنکھیں سوال کرتی ہیں
تیری آنکھوں میں بلاغت ہے

 

شکریہ

 

مجھےتو
شاعری نہیں آتی
جو دل میں آئے
وہی لکھتی ہوں
لیکن
اتنا تو جانتی ہوں میں
دل کی باتیں ہیں
شاعری جیسی


زنیرہ گل

​

 

رہگزر تھی درد کی
آنکھوں میں خمار تھا
اک عشق تھا
اک پیار تھا
اس راہ پر چلتے رہے
اور درد و غم ملتے رہے
نہ بولنے کی تھی سکت
اور چشم بے نگاہ تھی
بس یاد کے کچھ دھندلکے
جو ہمسفر تھے
ساتھ تھے


زنیرہ گل