دل میں تیری محبّت سلامت رہے برائے اصلاح

شکیل احمد خان
محمد سعید سعدی
----------
فاعِلن فاعِلن فاعِلن فاعِلن
---------
دل میں تیری محبّت سلامت رہے
عشق تیرا ہی میری شناخت رہے
---------------
تجھ سے میری دعا ہے مرے اے خدا
دور مجھ سے گنہ کی نجاست رہے
---------
ہے مری یہ ضرورت سہارا ترا
سب بلاؤں سے میری حفاظت رہے
------------
دل خیالوں میں تیرے رہے اب سدا
عشق تیرا ہی میری عبادت رہے
--------
تجھ سے دوری کا اب ہے تصوّر غلط
مجھ کو تیری میسّر رفاقت رہے
---------
مجھ سے سرزد جو کوئی گنہ ہو کبھی
دل میں میرے خدایا ندامت رہے
---------
پاکبازی میں رہنا ہو عادت مری
ہر جگہ پر ہی قائم طہارت رہے
-----------
اب ترے سامنے ہی مرا سر جھکے
سر کٹے اب مرا یا سلامت رہے
---------
کام نیکی کے ہر دم میں کرتا رہوں
اب گناہوں سے مجھ کو کراہت رہے
-----------
دل سے چوموں نبی کے نقوشِ قدم
میرے دل میں انہیں کی اطاعت رہے
----------
میں تقاضے اخوّت کے پورے کروں
دل میں میرے نہ کوئی عداوت رہے
--------یا
میرے دل میں نہ کوئی عداوت رہے
------------
دل میں ارشد خدا سے کرو یہ دعا
رب سے تیرا تعلّق سلامت رہے
------یا
اب کسی سے نہ کوئی شکایت رہے
------------

 

کچھ بنیادی باتیں پہلے ​

دل میں تیری محبّت سلامت رہے۔۔۔۔۔۔۔۔۔۔۔۔۔۔۔۔۔۔۔۔۔۔سلامت اور شناخت قافیہ میں عدم توازن کا شائبہ ہے۔۔سلامت کے ہجے ہیں۔۔۔سَ۔۔لا۔۔۔مَ۔۔ت ۔۔۔اور
عشق تیرا ہی میری شناخت رہے۔۔۔۔۔۔۔۔۔۔۔۔۔۔۔۔۔۔۔۔۔۔۔شناخت کے ہجے یہ ہیں۔۔۔۔۔شَ۔۔ناَ۔۔۔خ۔(جزم)۔۔ت۔(ساکن)۔۔۔۔گویا اِسے دُرست کرنا ہے ۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔یعنی قوافی ہیں مت اور اَخَت ہوئے جو کہ غلط ہیں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔البتہ نجاست،حفاظت،عبادت،رفاقت اور باقی تمام قوافی دُرست ہیں تو۔۔۔۔۔۔اِس کو ان شاء اللہ دیکھیں گے۔۔۔۔
---------------
تجھ سے میری دعا ہے مرے اے خدا۔۔۔۔۔۔۔۔۔۔۔۔۔۔۔۔۔۔۔۔۔تجھ سے میری دعا ہے اے میرے خدا۔۔۔(مصرعے میں الفاظ کی یہ ترتیب ہوجائے تو کیا ہے؟)
دور مجھ سے گنہ کی نجاست رہے
---------
ہے مری یہ ضرورت سہارا ترا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہے مری ہی ضرورت سہار ا ترا
سب بلاؤں سے میری حفاظت رہے۔۔۔۔۔۔۔۔۔۔۔۔۔۔۔۔۔۔۔۔۔۔۔سب بلاؤں کی بجائے ہر بلا زیادہ موزوں ہے ۔اِسے بھی آیندہ دیکھیں گے،ان شاء اللہ۔۔۔۔۔۔۔۔۔۔۔۔۔۔۔۔۔۔۔۔۔
------------
دل خیالوں میں تیرے رہے اب سدا۔۔۔۔۔۔۔۔۔۔۔۔۔۔۔۔۔۔۔۔۔۔۔اِسے بھی اور زیادہ بہتر انداز کی ضرورت ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عشق تیرا ہی میری عبادت رہے
--------
تجھ سے دوری کا اب ہے تصوّر غلط
مجھ کو تیری میسّر رفاقت رہے
---------
مجھ سے سرزد جو کوئی گنہ ہو کبھی
دل میں میرے خدایا ندامت رہے
---------
پاکبازی میں رہنا ہو عادت مری۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پاکبازی میں رہنا تو محاورہ نہیں،پاکیزگی سے رہنا ہوسکتا ہےیا عین زبان و بیان کے مطابق پاک رہنا دُرست ہے۔۔۔۔۔۔۔۔۔۔۔۔۔۔
ہر جگہ پر ہی قائم طہارت رہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہر جگہ کو مناسب الفاظ اور انداز سے بدلنا ہوگا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
-----------
اب ترے سامنے ہی مرا سر جھکے
سر کٹے اب مرا یا سلامت رہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔واہ!
---------
کام نیکی کے ہر دم میں کرتا رہوں
اب گناہوں سے مجھ کو کراہت رہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔یہاں بھی مجھے تشکیک ہے۔۔۔کراہ میں ۔۔۔
-----------
دل سے چوموں نبی کے نقوشِ قدم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔صلی اللہ علیہ وسلم
میرے دل میں انہیں کی اطاعت رہے۔۔۔۔۔۔۔۔۔۔۔۔۔۔۔۔۔۔۔۔۔۔۔دل میں اطاعت رہے ، یہاں بھی کچھ اور موزونیت درکار ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
----------
میں تقاضے اخوّت کے پورے کروں
دل میں میرے نہ کوئی عداوت رہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔!Good9
--------یا
میرے دل میں نہ کوئی عداوت رہے
------------
دل میں ارشد خدا سے کرو یہ دعا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ایک زوردار مطلعے اور ایک شایان مقطعےکا تقاضا برقرار رہا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رب سے تیرا تعلّق سلامت رہے
------یا
اب کسی سے نہ کوئی شکایت رہے
------------

 

کچھ نہ دل میں رہے ۔تیری۔ دھن ۔کے سِوا
یہ ۔رہے۔ تو۔ نہ ۔کوئی ۔بھی ۔حاجت۔ رہے

 

ہے مری ہی ضرورت سہارا ترا۔۔۔۔۔۔۔۔۔۔یا:۔میں ہوں محتاج تیرے سہارے کا بس
ہر بلا سے تری بس حفاظت رہے۔۔۔۔۔۔۔۔۔۔۔۔۔۔۔۔۔۔۔۔ہر بلا سے تری ہی حفاظت رہے

 

دل میں تیری محبت سلامت رہے
عشق۔ میرا۔ وفا کی، علامت رہے

 

پاک اور صاف رہنا ہو عادت مری
میری فکر ونظر میں طہارت رہے

 

ہے مری یہ دعا تجھ سے میرے خدا
دورعصیاں کی مجھ سے نجاست رہے

 

میں تقاضے اخوت کے پورے کروں
پھول کی طرح دل میں لطافت رہے

 

لب پہ ارشد کے اے رب یونہی رات دن
تیری۔، حمد۔، و۔ ،ثناء ۔تا ۔قیامت۔ رہے

 

استادِ محترم کے ایطاء کی نشاندہی کے بعدعیب کو دور کرنے کی ایک سعی:


دل ۔میں ۔تیری ۔محبت۔ سلامت۔ رہے
میری۔ ہر ۔سانس ۔تیری ۔امانت۔، رہے