دل روضۂ رسولﷺ پہ محوِ سجود تھا ۔۔۔ ایاز صدیقی

دل روضۂ رسولﷺ پہ محوِ سجود تھا
پابندیوں کے رخ پہ بھی رنگِ کُشود تھا

آقاﷺ نے مجھ کو دامنِ رحمت میں لے لیا
"میں ورنہ ہر لباس میں ننگِ وجود تھا "

رنگِ شگفتنِ گلِ طیبہ سے پیشتر
بے نام تھی بہار چمن بے نمود تھا

حدِّ نگاہ میں تھیں دو عالم کی وسعتیں
میرے لبوں پہ ذکرِ شہِ ہست و بود تھا

مہکا ہوا تھا ذکرِ محمدﷺ سے ہر نَفَس
اُس انجمن میں کس کو سرِ مشک و عود تھا

جبریل سے سنیں شبِ اسرا کی رونقیں
انوار کے حصار میں چرخِ کبود تھا

اللہ رے مدحتِ شہِ لوح و قلم ایاز
تا بامِ عرش وردِ سلام و درود تھا
٭٭٭
ثنائے محمدﷺ ... ایاز صدیقی
​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔جزاک اللہ

 

اللہ تعالیٰ آپ کو بھی جزائے خیر عطا کرے آمین