درِ آقاﷺ پہ شب و روز کی زنجیر نہیں ۔۔۔ ایاز صدیقی

درِ آقاﷺ پہ شب و روز کی زنجیر نہیں
یہ وہ منزل ہے جہاں وقت عِناں گیر نہیں

جالیاں ، قصرِ سرِ عرش کے دروازے ہیں
گنبدِ سبز سے اونچی کوئی تعمیر نہیں

روز آتی ہے عیادت کو نسیمِ طیبہ
کون کہتا ہے مِری آہ میں تاثیر نہیں

وہ برابر مِری جانب نگراں رہتے ہیں
حادثاتِ متواتر سے میں دل گیر نہیں

للہ الحمد کہ سرکارﷺ کی مدحت کے سوا
کچھ مِرے نامۂ اعمال میں تحریر نہیں

خانۂ دل میں بجز جلوۂ محبوبِ خدا
کوئی خاکہ کوئی صورت کوئی تصویر نہیں

سنگِ دیوارِ مصائب سے نہ سر پھوڑ ایاز
درِ اقدس پہ پہنچنے کی یہ تدبیر نہیں
٭٭٭
ثنائے محمدﷺ ... ایاز صدیقی​

 

صلی اللہ علیہ وآلہ وسلم
للہ الحمد کہ سرکارﷺ کی مدحت کے سوا
کچھ مِرے نامۂ اعمال میں تحریر نہیں​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین