دبدبہ اس کا بہر طور عیاں ہوتا ہے ۔۔مختار تلہری ثقلینی بریلی انڈیا

دبدبہ اس کا بہر طور عیاں ہوتا ہے
جسکے پیغام سے دریا بھی رواں ہوتا ہے

عدل کے باب میں جب ذہن کو دوڑاتا ہوں
صحن دل میں ترے ہونے کا گماں ہوتا ہے

چھوڑتی کیسے بھلا آپ کے ڈر سے اسلام
بہن بھائی میں لہو اک سا رواں ہوتا ہے

مرحبا، پہرا جو راتوں کو دیا کرتا ہو
حاکم وقت ، اب اس جیسا کہاں ہوتا ہے

سر پہ خود لاد کے امداد وہ پہنچاتے ہیں
مفلسی میں جو گرفتار مکاں ہوتا ہے

آپ کے قول کی تائید خدا فرمائے
آپ کا مرتبہ ایسے بھی عیاں ہوتا ہے

کوئی بعد ۔ نبی ہوتا تو نبی تم ہوتے
یہ بھی لبہائے نبوت سے بیاں ہوتا ہے

صرف زنجیر ہلا دینے سے انصاف ملے
عدل فاروق سا مختار کہاں ہوتا ہے
-----
مختار تلہری ثقلینی بریلی انڈیا​