داغ کی شاعری

[center:1727ht54]یہ قول کسی کا ہے کہ میں کچھ نہیں‌کہتا
وہ کچھ نہیں کہتا ہے کہ میں‌کچھ نہیں‌کہتا

سُن سُن کے تیرے عشق میں اغیار کے طعنے
میرا ہی کلیجا ہے کہ میں‌کچھ نہیں‌کہتا

اُن کا یہی سننا ہے کہ وہ کچھ نہیں‌سنتے
میرا یہی کہنا ہے کہ میں‌کچھ نہیں‌کہتا

خط میں وہ مجھے اوّل تو سنائی ہیں ہزاروں
آخر میں‌لکھا ہے کہ میں کچھ نہیں‌کہتا

پھٹتا ہے جگر دیکھ کے قاصد کی مصیبت
پوچھو تو یہ کہتا ہے کہ میں‌کچھ نہیں کہتا

یہ خوب سمجھ لیجئے غماّز وہی ہے
جو آپ سے کہتا ہے کہ میں کچھ نہیں‌کہتا

تم کو یہی شایاں ہے کہ تم دیتے ہو دشنام
مجھ کو یہی زیبا ہے کہ میں کچھ نہیں‌کہتا

مشتاق بہت ہيں مرے کہنے کے پر اے داغ
يہ وقت ہي ايسا ہے کہ ميں کچھ نہيں کہتا[/center:1727ht54]

 

بہت اچھے

 

شکریہ مریم صاحبہ۔۔بہت بہت۔

 

[center:1orb3ah4]مہرباں ہو کے جب ملیں گے آپ
جو نہ ملتے تھے سب ملیں گے آپ

آپ کیوں‌خاک میں‌ملاتے ہیں
ہم مصیبت طلب ملیں گے آپ

کارواں کی تلاش کیا اے دل
آکے منزل پہ سب ملیں گے آپ

ایک تو وعدہ اور اُس پہ قسم
یہ یقیں ہے کہ اب ملیں‌گے آپ

داغ اک آدمی ہے گرما گرم
خوش بہت ہوں گے جب ملیں گے آپ[/center:1orb3ah4]

 

[center:1nbhemhl]ستم ہے کرنا جفا ہے کرنا نگاہ الفت کبھی نہ کرنا
تمہیں قسم ہے ہمارے سر کی ہمارے حق میں‌کمی نہ کرنا

ہماری میت پہ تم جو آنا تو چار آنسو گرا کے جانا
ذرا رہے پاس آبرو بھی کہیں ہماری ہنسی نہ کرنا

کہاں کا آنا کہاں کا جانا وہ جانتے ہی نہیں‌ یہ رسمیں
وہاں ہے وعدے کی بھی یہ صورت کبھی تو کرنا کبھی نہ کرنا

لیئے تو چلتے ہیں‌حضرت دل تمہیں بھی اس انجمن میں‌لیکن
ہمارے پہلو میں‌بیٹھ کر تم ہمیں سے پہلو تہی نہ کرنا

نہیں ہے کچھ قتل انکا آسان یہ سخت جان ہیں‌ بڑے بلا کے
قضا کو پہلے شریک کرنا یہ کام اپنے خوشی نہ کرنا[/center:1nbhemhl]

 

واھ واھ کیا کلام ہے۔ یہ شعر اپنی معنوی ترکیب سے بہت اچھا لگا
بہت خوب کاشفی بھائی

 

شکریہ نعیم بھائی۔۔۔

 

کاشفی جی ۔ میری طرف سے بھی غزل شئیر کرنے پر شکریہ قبول فرمائیے۔
بہت اچھے کلام شئیر کیے ہیں آپ نے۔

 

شکریہ بہت بہت جناب۔۔

 

تم کو کیا ہر کسی سے ملنا تھا
دل ملا کر مجھ ہی سے ملنا تھا

پوچھتے کیا ہو کیوں لگائی دیر
اک نئے آدمی سے ملنا تھا

مل کے غیروں سے بزم میں یہ کہا
مجھ کو آکر سبھی سے ملنا تھا

عید کو بھی خفا خفا ہی رہے
آج کے دن خوشی سے ملنا تھا

آپ کا مجھ سے جی نہیں‌ملتا
اس محبت پہ جی سے ملنا تھا

تم تو اُکھڑے رہے تمہیں اے داغ
ہر طرح مدّعی سے ملنا تھا​

 

سبب کھلا یہ ہمیں اُن کے منہ چھپانے کا
اڑا نہ لے کوئی انداز مسکرانے کا

طریق خوب ہے یہ عمر کے بڑھانے کا
کہ منتظر رہوں‌ تا حشر اُن کے آنے کا

چڑھاؤ پھول میری قبر پر جو آئے ہو
کہ اب زمانہ گیا تیوری چڑھانے کا

جفائیں کرتے ہیں تھم تھم کے اس خیال سے وہ
گیا تو پھر یہ نہیں میرے ہاتھ آنے کا

سمائیں اپنی نگاہوں میں ایسے ویسے کیا
رقیب ہی سہی ہو آدمی ٹھکانے کا

تمہیں رقیب نے بھیجا کھلا ہوا پرچہ
نہ تھا نصیب لفافہ بھی آدھ آنے کا​

 

تمہیں رقیب نے بھیجا کھلا ہوا پرچہ
نہ تھا نصیب لفافہ بھی آدھ آنے کا​

یار اپنے داغ انکل بھی جب گلے شکوے کرنے پہ آجاتے تھے تو بالکل سڑک پر آجاتے تھے :201:

ویسے انکے دور پھر بھی اچھے تھے کہ آدھ آنے کا لفافہ ٹکٹ سمیت آجاتا تھا۔
آجکل تو لفافہ و ٹکٹ تو کیا آدھ آنا بھی ناپید ہوگیا ہے۔ :201:

 

درست فرمایا جناب نے۔۔۔خوش رہیں۔۔

 

میری موت خواب میں دیکھکر ہوئے خوب اپنی نظر سے خوش
انہیں عید کی خوشی ہوئی رہے شام تک وہ سحر سے خوش

اگر آبلہ ہے بھرا ہوا تو ہر ایک داغ جلا ہوا
جنہیں ہم نے دی جگہ نہ وہ دل سے خوش نہ جگر سے خوش

یہ خوشا نصیب کہ یار نے مری موت غیر سے سن تو لی
یہ اگرچہ جھوٹ آرائی تھی وہ ہوا تو ایسی خبر سے خوش​

 

کیوں چراتے ہو دیکھ کر آنکھیں
کر چکیں میرے دل میں گھر آنکھیں

چشمِ نرگس کو دیکھ لیں پھر ہم
تم دکھا دو جو اک نظر آنکھیں

ہے دوا انکی آتشِ رخسار
سینکتے ہیں اس آگ پر آنکھیں

کوئی آسان ہے تیرا دیدار
پہلے بنوائے تو بشر آنکھیں

جلوئے یار کی نہ تاب ہوئی
ٹوٹ آئیں ہیں کس قدر آنکھیں

دل کو تو گھوَنٹ گھوَنٹ کر رکھا
مانتی ہی نہیں مگر آنکھیں

نہ گئی تاک جھانک کی عادت
لئے پھرتی ہیں در بہ در آنکھیں

ناوک و نیشتر تری پلکیں
سحرِ پرداز و فتنہ گر آنکھیں

یہ نرالہ ہے شرم کا انداز
بات کرتے ہو ڈھانک کر آنکھیں

خاک پر کیوں ہو نقشِ پا تیرا
ہم بچھائیں زمین پر آنکھیں

نوحہ گر کون ہے مقدر میں
رونے والوں میں ہیں مگر آنکھیں

یہی رونا ہے گر شبِ غم کا
پھوٹ جائیں گی تا سحر آنکھیں

حالَ دل دیکھنا نہیں آتا
دل کی بنوائیں چارہ گر آنکھیں

داغ آنکھیں نکالتے ہیں وہ
انکو دیدو نکال کر آنکھیں

(داغ دہلوی)​

 

خاطر سے یا لحاظ سے میں مان تو گیا
جھوٹی قسم سے آپ کا ایمان تو گیا

دل لے کے مفت کہتے ہیں کچھ کام کا نہیں
اُلٹی شکائتیں ہوئیں، احسان تو گیا

دیکھاہے بُتکدے میں جواےشیخ، کچھ نہ پوچھ
ایمان کی تو یہ ہے کہ ایمان تو گیا

افشائے رازِ عشق میں گو ذلتیں ہوئیں
لیکن اُسے جتا تو دیا، جان تو گیا

گو نامہ بر سے خوش نہ ہوا پر ہزار شکر
مجھ کو وہ میرے نام سے پہچان تو گیا

بزمِ عُدو میں‌صورتِ پروانہ دل مِرا
گو رشک سے جلا ترے قربان تو گیا

ہوش و حواس و تاب و تواں داغ جا چکے
اب ہم بھی جانے والے ہیں سامان تو گیا

داغ دہلوی​

 

واہ ۔ بہت خوب کلام ہے۔ اچھی شاعری پڑھوانے کے لیے بہت شکریہ ۔

 

نعیم بھائ بہت خوب

 

نور العین جی ۔ اور حسن رضا بھائی ۔
پسندیدگی اور حوصلہ افزائی کے لیے آپ کا بہت شکریہ ۔

 

دوست بہت خوب :a165:

 

غزل
ذرا وصل پر ہو اشارا تمہارا
ابھی فیصلہ ہے ہمارا تمہارا

بتو! دین و دنیا میں کافی ہے مجھ کو
خدا کا بھروسا، سہارا تمہارا

اُن آنکھوں کی آنکھوں سے لوں میں بلائیں
میسر ہے جن کو نظارا تمہارا

محبت کے دعوے ملے خاک میں سب
وہ کہتے ہیں کیا ہے اجارا تمہارا

رُکاوٹ نہ ہوتی تو دل ایک ہوتا
تمہارا ہمارا، ہمارا تمہارا

برائی جو کی تم نے غیروں کی ہم سے
ہوا حال سب آشکارا تمہارا

نکل کر مرے گھر سے یہ جان لو تم
نہ ہوگا کسی گھر گزارا تمہارا

سُنا ہے کسی اور کو چاہتا ہے
وہ دُشمن ہمارا، وہ پیارا تمہارا

کریں گے سفارش ہم اے داغ اُن سے
اگر ذکر آیا دوبارا تمہارا
(نواب مرزا خان داغ دہلوی)​

 

بہت خوب مبارز جی

 

شکریہ خوشی جی۔۔۔آداب عرض ہے۔۔!

 

دوست بہت خوب واہ

 

بہت خوب۔ کاشفی بھائی ۔ اچھا کلام ہے۔

 

غزل
(داغ دہلوی)

بھنویں تنتی ہیں، خنجر ہاتھ میں ہے، تَن کے بیٹھے ہیں
کسی سے آج بگڑی ہے کہ وہ یوں بَن کے بیٹھے ہیں

دلوں‌ پر سیکڑوں سّکے ترے جوبن کے بیٹھے ہیں
کلیجوں پر ہزاروں تیر اس چتون کے بیٹھے ہیں

الہٰی کیوں نہیں‌ اُٹھتی قیامت ماجرا کیا ہے
ہمارے سامنے پہلو میں‌ وہ دُشمن کے بیٹھے ہیں

یہ گستاخی یہ چھیڑ اچھی نہیں‌ ہے اے دلِ ناداں
ابھی پھر سے روٹھ جائیں‌ گے ابھی وہ مَن کے بیٹھے ہیں

اثر ہے جذب الفت میں تو کھینچکر آہی جائیں گے
ہمیں‌ پرواہ نہیں ہم سے اگر وہ تَن کے بیٹھے ہیں

سبک ہو جائیں گے گر جائیں‌گے وہ بزمِ دشمن میں
کہ جب تک گھر میں بیٹھے ہیں تو لاکھوں مَن کے بیٹھے ہیں

فسوں ہے یا دعا ہے یہ معّما کُھل نہیں سکتا
وہ کچھ پڑھتے ہوئے ، آگے میرے مدفن کے بیٹھے ہیں

بہت رویا ہوں میں‌جب سے یہ میں‌ نے خواب دیکھا ہے
کہ آپ آنسو بہائے سامنے دُشمن کے بیٹھے ہیں

یہ اُٹھنا بیٹھنا محفل میں اُن کا رنگ لائے گا
قیامت بن کے اُٹھیں گے بھبوکا بن کے بیٹھے ہیں

کسی کی شامت آئیگی کسی کی جان جائیگی
کسی کی تاک میں وہ بام پر بن ٹھن کے بیٹھے ہیں

قسم دے کر اُنہیں سے پوچھ لو تم رنگ ڈھنگ اُس کے
تمہاری بزم میں‌ کچھ دوست بھی دُشمن کے بیٹھے ہیں​

 

اِدھر آئینہ ہے اُدھر دل ہے
جس کو چاہا اُٹھا کے دیکھ لیا
(داغ دہلوی)​

 

واہ بہت خوب مبارز جی بہت خوب

 

شکریہ خوشی جی۔۔۔۔۔۔۔۔۔۔۔میں اپنی سیٹ پر تھا نہیں۔۔۔۔۔۔۔۔۔۔۔پسندیدگی کے لیئے شکریہ۔۔۔۔۔۔۔۔۔۔۔۔۔۔۔