داغِ گناہ دل سے چھڑانا نصیب ہو۔ ۔۔۔مرزا سبطین رضا قادری

داغِ گناہ دل سے چھڑانا نصیب ہو۔​

اللہ ان کے شہر میں جانا نصیب ہو۔

تاکہ لباسِ زیست بھی شفاف ہو مرا۔
آنسو غمِ نبی میں بہانا نصیب ہو۔

سب جنتیں نثار ہیں جس پر مرے خدا۔
منظر وہی مجھے بھی سہانا نصیب ہو۔

جب تک جیوں اے میرے خدا تیرے فضل سے۔
راہِ رضا پہ چلنا چلانا نصیب ہو۔

یارب ترے حبیب کے جتنے ہیں مدح خوان۔
ان سے ادب سے ملنا ملانا نصیب ہو۔

رزاق العالمین ہے تجھ سے یہی دعاء۔
مجھ کو حلال رزق ہی کھانا نصیب ہو۔

سبطین اس حسین کی رفعت کی حد نہیں۔
جس کو رسولِ پاکﷺ کا شانہ نصیب ہو۔
-----
مرزا سبطین رضا قادری
بلرام پوری
مجلہ پیام خواتین فیس بک گروپ کا تیرہواں آن لائن فی البدیہہ طرحی مشاعرہ
13 ستمبر تا 16 ستمبر 2018​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین