خیبر پی کے: 100 روپے سے شروع ہونیوالے سفر نے فرید خان کو رکن اسمبلی بنا دیا

خیبر پی کے: 100 روپے سے شروع ہونیوالے سفر نے فرید خان کو رکن اسمبلی بنا دیا ​

​

اسلام آباد (بی بی سی) صوبہ خیبر پی کے میں گیارہ مئی کو عام انتخابات میں بیشتر حلقوں سے نئے چہرے منتخب ہو کر اسمبلی میں آئے ہیں اور جنوبی ضلع ہنگو میں پی کے 42 سے منتخب رکن صوبائی اسمبلی فرید خان بھی ایک ایسے ہی ایم پی اے ہیں جن کا اس سے پہلے کوئی سیاسی پس منظر تھا اور نہ وہ سیاست کے داو پیچ سے واقف ہیں۔ انہوں نے 11 مئی کے عام انتخاب میں پہلی مرتبہ حصہ لے کر سیاست کے میدان میں بھی قدم رکھا۔ آزاد حیثیت میں صوبائی اسمبلی کے رکن منتخب ہوئے اور بعد میں تحریک انصاف میں شامل ہو گئے۔ فرید خان بنیادی طور پر ایک متوسط طبقے سے تعلق رکھتے ہیں۔ان کا کوئی کاروبار نہیں بلکہ وہ خود کو بے روزگار افراد میں شمار کرتے ہیں۔ بتایا جاتا ہے کہ ان کے گھر کے تمام اخراجات بھی ان کے بھائی برداشت کرتے ہیں۔ فرید خان کا کہنا ہے کہ جب وہ ریٹرننگ آفیسر کے دفتر میں کاغذات نامزدگی داخل کرنے گئے تو اس وقت ان کے جیب میں صرف سو روپے تھے جو اس وقت ان کا کل اثاثہ تھا۔​

​

بشکریہ - نوائے وقت​