خواجہ سراﺅں کو امریکی فوج میں شمولیت کی اجازت

خواجہ سراﺅں کو امریکی فوج میں شمولیت کی اجازت

امریکی صدر جوبائیڈن نے خواجہ سراﺅں کو امریکی فوج میں شمولیت کی اجازت دیتے ہوئے سابق صدر ٹرمپ کی پابندی کو ختم کرتے ہوئے ایگزیکٹو آرڈر جاری کر دیا ہے۔

تفصیل کے مطابق امریکی صدر نے خواجہ سراﺅں کو امریکی فوج میں بھرتی ہونے کی اجازت دیدی ہے، اس سے قبل ٹرمپ نے بھرتی پر پابندی لگا دی تھی۔ جوبائیڈن نے کہا ہے کہ صنفی پہچان فوج میں شمولیت کی راہ میں رکاوٹ نہیں ہونی چاہیے۔

ادھر جوبائیڈن نے فرانسیسی ہم منصب ایمانوئیل میکرون سے ٹیلیفونک رابطہ کیا۔ دونوں رہنماﺅں نے باہمی تعلقات پر تبادلہ خیال کیا۔ وائٹ ہاﺅس کے مطابق امریکی صدر نے رابطے کے دوران کہا کہ فرانس ہمارا پرانا اتحادی ہے، ہم ان تعلقات کو مزید فروغ دینا چاہتے ہیں۔

انہوں نے کہا کہ امریکا نیٹو اور یورپی یونین سے اپنے روابط کو تقویت دے گا۔ دونوں صدور نے ماحولیاتی تبدیلیوں، کورونا وائرس، عالمی معیشت میں ترقی جیسے مشترکہ مسائل پر غور کرتے ہوئے قریبی تعاون کا یقین دلایا۔
دونوں رہنماؤں کے درمیان چین، مشرق وسطیٰ اور روس سے متعلقہ خارجہ پالیسیوں پر مشترکہ حکمت عملی اپنانے پر بھی اتفاق کیا گیا۔

​