خدا پر اگر دل سے ایمان ہو گا ۔۔۔۔ شاہین اقبال اثرؔ

خدا پر اگر دل سے ایمان ہو گا
نبیﷺ پر یقیناً وہ قربان ہو گا

جو اک شان والے پہ قربان ہو گا
وہی دونو عالم میں ذیشان ہو گا

شہادت جو پائے گا حبِ نبیﷺ میں
وہ جنت میں مولیٰ کا مہمان ہو گا

بیاں ایسی ہستی کی کیا شان ہو گی
کہ مدحت سرا جس کا قرآن ہو گا

ہوئے متفق اس پہ سب عقل والے
کہ گستاخِ سرکارﷺ نادان ہو گا

نہ کیونکر گرے گا وہ دوزخ میں آخر
بھلا راہبر جس کا شیطان ہو گا

نبیﷺ کی تو رفعت کبھی کم نہ ہو گی
سو شاتم کا اپنا ہی نقصان ہو گا

اگر جانِ عالم پہ آئے کوئی حرف
اثرؔ جان کر جاں سے انجان ہو گا
٭٭٭
رنگ عقیدت ﷺ ۔۔۔ شاہین اقبال اثرؔ​

 

صلی اللہ علیہ وآلہ وسلم
بیاں ایسی ہستی کی کیا شان ہو گی
کہ مدحت سرا جس کا قرآن ہو گا​

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین