*خدا نے جس میں کیا عشقِ مصطفیٰﷺ محفوظ* ۔۔۔ ڈاکٹر کاشف بریلوی

*خدا نے جس میں کیا عشقِ مصطفیٰﷺ محفوظ*
*وہ قلب نارِ جہنّم سے ہو گیا محفوظ*

*تھی جس میں الفتِ سرکار کی ضیا محفوظ*
*ہوا کے شر سے رہا بس وہی دیا محفوظ*

*ہوئ ہیں نغمہ سرائ سے بلبلیں غافل*
*نہ خیرِ گل ہے نہ گلشن کی اب فضا محفوظ*

*کسی کی یاد رہے دل میں یا مٹے لیکن*
*ہمارے دل میں رہے یادِ مصطفیٰﷺ محفوظ*

*خیالِ کاکل و رخسار و چشمِ آقاﷺ کو*
*بشکلِ نعتِ نبی میں نے کر لیا محفوظ*

*رسولِ پاکﷺ کے در سے جو جڑ گیا کاشف*
*بفضلِ حق غم و کلفت سے وہ رہا محفوظ*
----
از۔۔۔۔ڈاکٹر کاشف بریلوی
بزم نعتﷺ عالمی واٹس ایپ گروپ "بزم نعت" کا پچپنواں شاندار طرحی مشاعرہ 11 جولائی 2018
​

 

*خدا نے جس میں کیا عشقِ مصطفیٰﷺ محفوظ*
*وہ قلب نارِ جہنّم سے ہو گیا محفوظ*​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین