خالق پہ اعتبار ہے"ايَّاكَ نَسْتَعِين" ۔ بلال رشید

خالق پہ اعتبار ہے"ايَّاكَ نَسْتَعِين"
ایمان کا وقار ہے "ايَّاكَ نَسْتَعِين"
معمول ہے یہ آلِ محمد کا روزوشب
اور وردِ چاریار ہے "ايَّاكَ نَسْتَعِين"
وہ بالیقیں ہے نورِ ہدایت سے پر ضیا
جس دل کی یہ پکار ہے "ايَّاكَ نَسْتَعِين"
اللہ پہ یقین کی حجت ہے یہ سدا
توحید کا حصار ہے "ايَّاكَ نَسْتَعِين"
بس دائمی جہان میں ازل سے ابد تک
تیرا ہی اقتدار ہے "ايَّاكَ نَسْتَعِين"
کرتا ہے غیر۔حق سے جو مومن کو بے نیاز
وہ عشق کی بہار ہے "ايَّاكَ نَسْتَعِين"
ہر شے پہ کائنات کی اے رب۔ذوالجلال
تجھ کو ہی اختیار ہے"ايَّاكَ نَسْتَعِين"
کرتا ہے رد جو شرک کے ہر اک خیال کو
وہ نور۔کردگار ہے "ايَّاكَ نَسْتَعِين"
منشور اس کو اپنا بنا لے بلال تو
عشق۔خدا کا تار ہے "ايَّاكَ نَسْتَعِين
----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین