خاتون چور کی چوری پکڑی گئی، پورا واقعہ سن کر آپ بھی چکرا جائیں گے

ایک چینی خاتون کی آنتوں سے ’آپریشن‘ کے بعد تین لاکھ ڈالر کا ہیرا برآمد کر لیا گیا ہے۔ شبہ تھا کہ اس خاتون نے یہ ہیرا تھائی لینڈ کے دارالحکومت بنکاک میں چرایا تھا۔خیال ہے کہ یہ خاتون ہیرے کو نگل گئی تھی تاکہ اسے ملک سے باہر سمگل کیا جا سکے۔ خاتون نے مبینہ طور پر چھ قیراط کا یہ ہیرا جمعرات کو ہیروں کے ایک میلے سے چوری کیا تھا اور اسے ایک نقلی نگینے سے بدل دیا تھا۔تاہم سکیورٹی کیمروں نے اس منظر کو فلم بند کر لیا اور یہ خاتون بنکاک کے ہوائی اڈے سے گرفتار کر لی گئی۔ خاتون کے ساتھ سفر کرنے والے ایک مرد کو بھی گرفتار کیا گیا ہے۔پولیس کا کہنا ہے کہ خاتون نے پہلے چوری سے انکار کیا لیکن اس کا ایکسرے کیا گیا جس سے ظاہر ہو گیا کہ ہیرا اس کے جسم کے اندر ہے۔اسے جلاب دیا گیا لیکن جب یہ طریقہ کارگار نہ ہوا تو ایک ٹیوب کے ذریعے خاتون کی بڑی آنت کا معائنہ کیا گیا اور پھر ہیرے کو نکال لیا گیا۔اخبار ’بنکاک پوسٹ‘ نے پولیس کے میجر جنرل سنت مہاتھاورن کے حوالے سے بتایا ہے کہ اس آپریشن میں 12 منٹ لگے اور اب ہیرا نگلنے والی خاتون ہسپتال میں زیرِ علاج ہے۔

 

فائدہ اتنی محنت کرنے کا۔ہیرا تو پھر واپس لے برآمد کر لیا گیا۔۔۔۔۔۔۔۔

 

بس جی قسمت کا کھیل ہے
ورنہ تو ہمارے یہاں سے کوہ نور تک لے اڑے تھے

 

پتھر کیسے چبا سکتے ہیں؟

 

مگر پتھر تو نہیں چبا سکتے۔۔۔۔۔۔۔۔

 

ھارون بھائی ہیرا تھا ، کسی ہیرو کی ہڈیاں نہیں جو محترمہ چبا جاتیں

 

یہ بھی ٹھیک ہے
ناکوں چنے چبوا سکتی ہے
ایک ہیرا نہیں چبا سکتی

 

آپ کو بڑا پتہ ہے۔۔

 

کسی نے کبھی چبوائے ہونگے ، جب ہی تو اتنے وثوق سے کہا جارہا ہوگا

 

بس جی کافی تجربہ کار لوگ میرے دوست ہیں
جنھیں دیکھ کر شادی سے اب مکمل انکار ہے

 

اس کامطلب چبانے کا پتہ تب چلتا جب شادی ہو

 

بس جی شدہ شدہ لوگ ان مراحل سے آشنا ہیں