حیدر آباد: دیرینہ دشمنی پر 4 بھائیوں کو فائرنگ کر کے قتل کر دیا

حیدر آباد: دیرینہ دشمنی پر 4 بھائیوں کو فائرنگ کر کے قتل کر دیا​

​

حیدر آباد (آن لائن) حیدرآباد کے علاقے حسین آبادچوک پر فائرنگ سے 4افرادجاں بحق ہوگئے۔ ہلاک ہونے والے چاروں بھائی تھے۔ پولیس کے مطابق چاروں کا تعلق سولنگی برادری سے ہے۔ چاروں بھائی سیشن کورٹ کیس کی سماعت کیلئے جارہے تھے کہ نامعلوم مسلح افراد موٹرسائیکل سواروںنے ان پر اندھا دھند فائرنگ شروع کردی جس سے آصف‘ مرتضیٰ‘ بلال اور ذوالفقار شدید زخمی ہوگئے جنہیں فوری طور پر مقامی لوگوں نے طبی امداد کیلئے قریبی ہسپتال پہنچایا لیکن چاروں بھائی زخموں کی تاب نہ لاتے ہوئے چل بسے۔ پولیس حکام کا کہنا تھا کہ واقعہ سولنگی اور عباسی برادری میں پرانی دشمنی کا نتیجہ ہے​

​

بشکریہ - نوائے وقت​

​