حکومت حافظ صاحب کو گارڈ آف آنر دے

اسی لڑی میں‌یہ بھی اضافہ کروں کہ میں بھی ایک ایسے ہی نابغہ روزگار کو جانتا ہوں۔۔۔۔۔سو کچھ بیان ان کے بارے ہو۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ایڈوکیٹ اسد محمود کھوکھر۔۔۔۔۔۔۔۔پیدائشی نابینا ہیں۔۔۔۔۔۔ان کے علاوہ ان کے ایک بھائی اور ایک بہن بھی نابینا ہیں۔۔۔۔۔۔۔۔جبکہ تین ان سب سے بڑے بھائی آنکھوں والے ہیں‌اور وہ تینوں بس پرائمری اور مڈل پاس ہیں۔۔۔۔۔۔۔جبکہ یہ دو بھائی اور ایک بہن سب ماسٹرز ہیں۔۔۔۔۔۔۔۔۔۔۔۔یہاں اسلام آباد میں‌قائد اعظم یونیورسٹی میں محلے کے دکاندار سے میری سلام دعا شروع ہوگئی۔۔۔۔یہ بات ہے سن 2001ء کی۔۔۔۔۔۔۔۔ایک روز دکاندار حاجی عبدرزاق نے مجھ سے کہا کہ بیٹے میرا ایک نابینا بیٹا ہے آپ ان کا کچھ مدد کر سکتے ہیں؟؟؟عرض کیا کیا مدد کرسکتا ہوں؟۔۔۔کہنے لگے میرا بیٹا ہے۔۔۔۔آپ سے ملوادونگا۔۔۔۔۔۔۔ایل ایل بی کے سال اول میں‌ہیں اور تین مہینے بعد ان کے امتحانات پنجاب یونیورسٹی سے شروع ہونے ہیں اگر آپ راضی ہوں تو آپ ان کے ساتھ امتحان میں‌بیٹھیں اور ان کی جگہ لکھائی کا کام کریں۔۔۔۔اب میں حیران و پریشان ۔۔۔۔۔۔۔۔کہ کھبی اس طرح کے حالات سے پالا نہیں پڑا۔۔۔۔۔سو عرض کی کہ آپ بیٹے سے ملا وا دیں تو باقی باتیں ان سے ہونگی۔۔۔۔۔۔۔۔۔سو کچھ دنوں بعد جناب اسد محمود سے میری ملاقات ان کے والد کے دکان میں‌ہوئی۔۔۔۔۔۔۔۔۔۔۔اسد صاحب نے پوچھا کہ بابا آپ کیا کرتے ہیں۔۔۔۔۔جواب دیا بلوچستان یونیورسٹی سے گریجوئیٹ کے امتحان دیے ہیں اور نتیجے کا انتظار کررہا ہوں‌اور چند ہی مہینے ہوئے ہیں‌کہ اسلام آباد آیا ہوں۔۔۔۔کہنے لگے آپ میرا رائٹر بنیں گے اور جواب ہاں‌میں‌پاکے کہا کہ اپنے کاغزات کی کاپی میرے والد صاحب کو دے دینا تاکہ یونیورسٹی بھیجے جاسکیں۔۔۔۔۔سو یہ بھی کردیا۔۔۔۔کچھ دنوں‌ بعد اسد صاحب کا پیغام آیا کہ ملنا چاہتے ہیں‌ سو ان سے ملاقات کی۔۔۔۔۔۔اب کے انھوں‌نے کچھ قانون کی کتابیں ساتھ رکھی ہوئی تھی اور ایک چھوٹا سا ٹیپ ریکارڈر۔۔۔۔۔۔کہنے لگے یہ کچھ سوالات کو ٹک کردیا ہے سو اگر ہوسکے تو ان کو ان کیسٹس میں‌ریکارڈ کردیں۔۔۔۔۔۔۔ہامی بھری اور لگے قانون کو مختلف۔۔۔۔۔خشک اور بور شقوں کو پڑھنے۔۔۔۔۔۔۔۔۔۔بس قانونی انگریزی پڑھنے کا میں‌لطف لے رہا تھا کہ جملے بڑے ہی مضبوط اور بامعنی تھے۔۔۔۔۔۔۔۔اور ان کے دیے گئے مضمون سے منتخب سوالات کو ان آڈیو کیسٹس میں‌محفوظ کردیا۔۔۔۔۔۔۔۔۔۔۔۔۔۔۔۔۔۔۔۔۔۔

باقی آئندہ انشاء اللہ

 

آخر ایک دین پیغام ملا کہ جناب اس تاریخ سے لے کر اس تاریخ تک اپنے مصروفیات کو پرچوں کے حساب سے موضوع کردیں کہ نا نو کی کوئی گنجائش نہیں‌ہے۔۔۔۔۔۔۔۔میں‌اس وقت ایک جب تک کہ گریجوئشن کا نتیجہ آتا ایک ڈپلومہ کررہا تھا۔۔۔۔۔۔۔۔۔ایک عدد درخواست کے ساتھ تمام احوال لکھا اور ساتھ امتحان گاہ میں بیٹھنے کا پروانہ (عکس ) پیش خدمت کردیا۔۔۔۔۔۔سو ہم شام کے وقت سے صبح کے وقت میں‌آگئے کیونکہ پرچے دوپہر کو ہونے تھے۔۔۔۔۔۔۔۔۔۔۔۔۔۔میں اور اسد صاحب اصغر مال کالج۔۔۔۔۔راولپنڈی۔۔۔۔۔وجہ شہرت غالبا اپنے شعیب اختر نے شاید وہاں سے پڑھنے کی کوشش کی تھی۔۔۔۔۔۔۔۔۔۔وہی فاسٹ بولر۔۔۔۔۔۔۔۔۔۔پہنج گئے اور جناب سپریٹینڈنٹ صاحب کے گوش گزار تمام احوال بمع دو رولنمبر سلپ پیش کردیے۔۔۔۔۔انھوں نے ہمیں باقی امیدواروں سے کچھ فاصلے پہ بٹھا دیا اور کہا گیا کہ آواز آہستہ ہی ہو تاکہ دوسرے آپ لوگوں کی وجہ سے ڈسٹرب نہ ہوں۔۔۔سو جی ہاں میں‌سر ہلاتے ہوئے جاکے اپنی نشستوں میں‌تشریف رکھا۔۔۔۔۔۔۔۔۔۔۔۔خالی پرچے بانٹے گئے اور پھر کچھ ہی دیر میں‌سوالنامہ ہاتھ میں‌تھا۔۔۔۔۔۔۔اور ایک دفعہ آئے ہوئے تمام سوال پڑھ کے اسد صاحب کو سنائے۔۔۔۔پھر یہ عمل کئی بارد دھرایا۔۔۔۔۔۔اب کے کوئی ایک سوال منتخب کیا گیا اور اسد صاحب بولتے گئے اور ہم لکتھے گئے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پھر کئی روز اور کبھی کبھی درمیان میں وقفہ بھی آجاتا اور پھر سے یہی عمل جاری رہا تاوقتیکہ تمام پرچے ختم ہوگئے۔۔۔۔۔۔۔۔۔۔کئی مہینوں کے انتظار کے بعد اسد صاحب کا پیغام ملا کہ بابا آپ کے پاس آنا چاہتا ہوں‌۔۔۔۔۔۔۔۔۔۔۔اسد صاحب غریب خانے میں‌اپنے ایک بھائی کے ساتھ آئے اور ہاتھ میں‌مٹھائی کا ڈبہ ہے۔۔۔۔۔۔اور یہ خوشخبری سنانے لگے کہ وہ بہت ہی اچھے نمبروں سے پاس ہوگئے ہیں۔۔۔ہم بھی خوش کہ کچھ حصہ ہمارا بھی تھا۔۔۔۔۔۔۔گو کہ منشیوں کے کام کی حد تک۔۔۔۔مگر تھے تو ساتھ ساتھ۔۔۔۔اور پھر دوسرے اور تیسرے سال بھی دھرایا جاتا رہا اور ہم بھی ایم ایس سی کرتے رہے۔۔۔۔۔۔۔۔۔سو ایک دن جب تین سال پورے ہوگئے تو اسد صاحب نے پیغام بجھوایا کہ ابھی ایک امتحان اور بھی ہے اور اس کے بعد وہ وکالت کرسکیں گے۔۔۔۔۔۔۔۔۔سو ان کے ساتھ راولپنڈی ہائی کورٹ چلے گئے۔۔۔۔۔۔وہ کافی فاصلے پر واقع ہے۔۔۔۔۔۔۔۔۔سواں دریا کے پار۔۔۔۔۔۔۔۔سو اس امتحان میں ہم پھر لکھائی ماسٹر بنے اور یہ رکاوٹ بھی عبور کر لی۔۔۔۔۔کچھ دنوں بعد اسد صاحب کے لیے کالا سوٹ اور کالی ٹائی سل کے اور بنے بنائے آگئے اور وکیل صاحب اسلام آباد کچھری چلے گئے۔۔۔۔اب اسد صاحب۔۔۔۔۔ایڈوکیٹ اسد محمود کھوکھر ہوگئے۔۔۔۔۔۔۔۔۔۔۔۔۔۔۔۔کچھ دنوں کے بعد انھیں‌پہلا کیس ملا۔۔۔۔۔کہ کسی کی زمانت کروانی ہے اور ان پہ چوری کا الزام ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

باقی پھر۔

 

نعیم بھائی نیک تمناؤں کا شکریہ اور اس میں کوئی شک نہیں کہ ایڈوکیٹ اسد صاحب نے ایک عام سے "لکھائی پڑھائی کے اعتبار سے" گھرانے سے ہونے کے باوجود کہ جہاں‌ صحیح سالم بندے بھی پڑھائی سے اپنے دامن کو بچاتے ہیں۔۔۔۔۔۔۔اپنی معزوری کو آڑے آنے کی بجائے پورے خاندان اور ہمارے معاشرے کے لیے ایک مثال قائم کیا۔۔۔۔۔۔ایک بار پھر نعیم بھائی حوصلہ افزائی کے لیے شکریہ۔

 

اسد صاحب نے اپنے ساتھ ایف آئی آر کی کاپی، قانوں کی بھاری کتابیں اور اپنے لکھنے پڑھنے کا سامان رکھا ہوا تھا۔۔۔۔۔۔۔۔۔یہاں بتاتا چلو کہ آنکھوں سے معزور بریل نظام کے تحت لکھتے اور پڑھتے ہیں۔۔۔۔۔۔۔۔۔۔گوکہ مڈل کلاسوں کے نصاب میں اس نظام کے بارے ایک سبق ہم بھی پڑھ کے آئے تھے۔۔۔۔۔۔۔اور اس سبق کے آخر کے سوالات کے جوابات بھی خوب رٹے تھے اور ماشاء اللہ پاس بھی کرلی۔۔۔۔۔۔لیکن کبھی بریل نظام کا عملی مظاہرہ نہیں‌دیکھا۔۔۔۔۔۔۔۔۔۔دو تختوں کے اندر ایک موٹا کاغذ اس میں‌رکھا جاتا ہے۔۔۔۔۔۔اور جیسا کہ موچیوں‌کے پاس جوتا سلنے کے لیے سوئے جو ہوتے ہیں۔۔۔۔اس سے ملتا جلتا ایک سوّا نما کوئی آلہ کے ذریعے لکھا جاتا ہے اور پھر کے دوسرے طرف جو ابھار بنتے ہیں‌۔۔۔۔۔۔۔۔ان پر ہاتھ پھیر کے پڑھتے ہیں۔۔۔۔۔۔۔۔۔۔۔۔۔تو جناب اسد صاحب نے مجھ سے کہا کہ یہ لو ایف آئی آر کی کاپی اور اسے پڑھو۔۔۔۔۔۔۔۔۔میں‌پڑھتا گیا اور اسد صاحب بریل میں اسے لکھتے گئے۔۔۔۔۔۔۔۔۔اور اس کے بعد جیساکہ وکیل کرتے ہیں کہ مختلف قانون کی کتابیں‌کھولی اور کیس ورک مکمل کی کہ دوسرے دن عدالت میں پیشی تھی اور دوسرے دن جب اسد صاحب سے ملاقات کی تو انھوں‌نے بتایا کہ وہ مزکورہ بندے کا ضمانت کروانے میں کامیاب ہوگئے اور یوں اسد صاحب نے اپنا پہلا کیس جیت لیا۔۔۔۔۔۔اس وقت بھی اسلام آباد کچہری میں اسد صاحب اپنے چیمبر میں بیٹھتے ہیں۔۔۔۔۔۔۔اور دھڑا دھڑ فوجداری و دیوانی مقدمات کی وکالت کرتے ہیں۔۔۔۔۔۔۔۔۔۔۔۔۔۔۔۔۔۔۔۔۔کچھ عرصے بعد اسد صاحب نے بڑی دھوم دھام سے اپنی شادی کی۔۔۔۔۔۔۔۔اب وہ ایک علحدہ گھر میں‌ ایک پرسکون مگر سرگرم زندگی گزار رہے ہیں۔۔۔۔۔۔۔۔۔اسد صاحب موبائل استعمال کرتے ہیں۔۔۔۔۔۔۔۔اس میں موجود نمبروں کو آپریٹ کرسکتے ہیں۔۔۔۔۔۔۔۔۔اور اس کے علاوہ اسد صاحب کمپیوٹر بھی بڑے ہی شوق سے استعمال کرتے ہیں۔۔۔۔۔۔۔۔۔۔۔اور اپنے ونڈوز ایکس پی میں ایک خصوصی سافٹ ویئر "جاز" کے ذریعے انھیں‌کمپیوٹر استعمال کرنے میں کوئی دقت نہیں‌ہوتی کیونکہ وہ جہاں جہاں‌ ماؤس یا کی بورڈ کے ذریعے حرکت کرتے ہیں یہ خصوصی سافٹ وئیر بولتا جاتا ہے۔۔۔۔۔۔اور جب ٹائپ کرتے ہیں تو تب بھی آواز آتی رہتی ہے۔۔۔۔۔۔۔۔اور یوں ان کو کمپیوٹر استعمال کرنے میں کوئی بھی مسئلہ نہیں ہے۔۔۔۔اسد صاحب کے پاس بریل قرآن شریف بمع ترجمہ ہے جس کے ذریعے سے وہ تلاوت کرتے ہیں اور ترجمے سے مستفید ہوتے رہتے ہیں۔۔۔۔۔۔۔۔ان کے علاوہ بھی کئی مشہور و معروف کتابیں بریل میں ان کے پاس موجود ہیں جن کے ذریعے وہ مطالعہ کرتے رہتے ہیں۔۔۔۔۔۔۔۔۔۔۔۔۔۔۔۔۔۔یہ تھا ایڈوکیٹ اسد محمود کھوکھر صاحب کے زندگی کا ایک باب۔۔۔۔۔۔کہ جس کا میں عینی گواہ ہوں۔۔۔۔۔۔۔۔۔زیب ہماری اردو کی تاکہ ایک مثال رہے اور ہم حوصلہ تازہ پاتے رہیں۔

 

شکریہ راشد بھائی ۔۔۔۔۔۔۔۔ واقعہ کیا ۔۔۔۔۔واقعہ کا ہیرو ایڈوکیٹ اسد صاحب سے اگر کوئی ملے اور کسی موضوع پر ان سے نشست کرے تو وہ خود بھی متاثر کن ہیں۔

 

کوئی شک نہیں۔۔۔۔۔۔۔۔۔بس وہ انگریزی میں کیا کہتے ہیں کہ "وین دیئر از آ ول، دیئر از آ وے"۔۔۔۔اور کچھ لوگ اسے ثابت بھی کرلیتے ہیں۔