حُسین مولا شہیدِ اعظم سَلام میرا قبول سائیں۔۔!

کچھ روز قبل لکھنؤ سے ہمارے بہت ہی مہربان و مشفق حضرت علامہ سید فراز وارثی صاحب زیدہ مجدہ نے فرمایا کہ ایک سلام کا مطلع دیکھا ہے خواہش ہے کہ آپ اس پہ تضمین کہیں ،،،،، چونکہ پورا سلام تلاشِ بسیار کے باوجود میسر نہیں ہو سکا اس لئے ایک مطلع پر ہی کچھ کہنے کی جسارت کی ہے ،،، گر قبول افتد زہے عزو شرف۔۔۔۔۔

شعر تھا کہ ،،،،
حُسین مولا شہیدِ اعظم سلام میرا قبول سائیں
تمام عالم یہ کہہ رہا ہے سلام ابنِ رَسول سائیں۔

سِحابِ رحمت وَجود تیرا
تُو فخرِ آلِ رَسول سائیں
تُو شاہِ حیدر کے گھر کی رونق
تُو چینِ زہرا بتول سائیں
میں دشتِ عِصیاں کا خار ٹھہرا
تُو باغِ جنت کا پھول سائیں
حُسین مولا شہیدِ اعظم
سلام میرا قبول سائیں
تمام عالم یہ کہہ رہا ہے
سلام ابنِ رَسول سائیں

شَعورِ اِنسانیت کا مَحور
تُو عزم و ہمت وَفا کا پیکر
تُو قُدسیانِ فَلک کا کعبہ
تُو صبر و صدق و صفا کا سایہ
ہے حُکمِ ذِبْحٍ عَظِيم شاہد
تُو اس کی شانِ نزول سائیں
حُسین مولا شہید اعظم
سلام میرا قبول سائیں
تمام عالم یہ کہہ رہا ہے
سلام ابن رسول سائیں

سُخن جُدا ہے چَلن نِرالا
تُو شَب کی ظُلمت میں اِک اُجالا
زَمینِ کرب و بلا گواہ ہے
تو جانثاروں کی قبلہ گاہ ہے
حبیبِ کمتر کے سر کا سہرا
تمہارے پاؤں کی دُھول سائیں
حُسین مولا شہیدِ اعظم
سلام میرا قبول سائیں
تمام عالم یہ کہہ رہا ہے
سلام ابنِ رَسول سائیں

کلام ،،،،، نامعلوم
تضمین ازیں ملک حبیب

 

ملک حبیب صاحب ذرابتائیے گا کہ کیا وہ محض ایک شعر تھاجس پر آپ نے پوراسلام تصنیف فرمایا۔۔۔۔۔۔۔۔۔۔۔۔یا پورا سلام تھاکہ جس میں آپ نے ایک خاص شعربھی شامل فرمایا؟ پلیز جواب ضروردیجیے گا۔اگر آپ نے ایک شعر کو ،جیساکہ طرحی مشاعروں میں رسم ہے سامنے رکھ کر پوری نظم کہی ہے تو بھئی واہ آپ کے شعری ذوق کی داد دوں گااور مبارکباد بھی ۔آپ نے ایک شعرکو عنوان بناکر محبت وعقیدت کا دریا بہا دیا ،جس کاہر قطرہ ایک آبدار موتی ہے،ماشاء اللہ۔۔۔۔۔۔۔۔۔۔۔شاباش ! اللہ کرے زورِ قلم اور زیادہ!

 

جی جناب ایک ہی شعر تھا ،،،،، جو کہ اوپر درج ہے ،،،، جو اُن نا معلوم شاعر یا شاعرہ کا ہے ،،

حُسین مولا شہیدَ اعظم سلام میرا قبول سائیں
تمام عالم یہ کہہ رہا ہے سلام ابنَ رِسول سائیں ۔۔
تعریف کرنے پر شکر گزار ہوں۔

 

جناب محترم ملک حبیب صاحب۔
عقیدت بھرے جذبات اور بہترین لفظی چناؤ سے خوبصورت کلام تخلیق فرمانے پر بہت سی داد قبول فرمائیے۔
سبحان اللہ ۔
اللہ کرے زور قلم اور زیادہ۔

 

بہت شکریہ نعیم صاحب

 

شکریہ محترم

 

واہ ہارون الرشید صاحب ،ہے تو یہ ایک دعائیہ جملہ مگر ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔دعاؤں کےساتوں سمندربندہیں اِس ایک جملے میں،کبھی کبھی اِس طرح کے خیالات کا
ورود الہام کے زمرے میں آتاہے۔

 

شکریہ جناب پسندیدگی کا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کبھی کبھی ایسا ہی ایک آدھ الہامی جملہ اِدھربھی ترسیل فرمادیا کریں۔۔۔۔۔۔۔۔۔۔۔۔۔۔گُل پھینکے ہیں اوروں کی طرف بلکہ ثمر بھی۔۔۔۔۔۔۔۔۔۔۔۔۔۔۔۔۔۔اے خانہ برانداز چمن کچھ تو اِدھر بھی!

 

آمین ثُم آمین،،،،،، آپ کی دعاؤں پرشکر گزار ہوں،،،، اللہ آپ تمام احباب کوسلامت رکھے ،،،،، آمین
بمُلکِ دِلبری پائندہ باشی۔۔۔