حُبِ وَطَن جوئے خون می چکداز حسرتِ دیرینہء ما می تپد نالہ بہ نشتر کدہء سینہء ما وطن کی محبت نے میرے دل و دماغ میں اپنا گھر بنا لیا ہے۔۔۔۔۔اسکی جادو بھری محبت میرے قلب میں اقامت گزین ہے۔۔۔۔محبت کی غیر معمولی تاثیر ۔۔۔۔۔غیر مکیّف اثر۔۔۔دل میں موجود ہے۔۔جو لفظوں میں بیان نہیں کیا جا سکتا۔۔۔۔۔میں چاہتا ہوں کہ صفحہء قرطاس پر اپنے دلی جذبات ۔۔قلبی کیفیات، کا نقشہ کھینچ دوں۔۔۔۔۔۔۔لیکن حیران ہوں کس طرح کھینچوں۔۔۔۔۔؟ اپنا درد دل آپ کو دکھانا چاہتا ہوں لیکن حیرت ہے کس طرح دکھاؤں افسوس! میرے پاس وہ الفاظ نہیں جو میری حقیقی اور حق پرستانہ ترجمانی کر سکیں۔۔۔۔۔۔۔۔۔۔۔اور میں تحریری تصویر آپ کے سامنے پیش کردوں۔۔۔۔اگر منطقی نقطہء نظر سے علیحدہ ہو کر دیکھا جائے تو کہا جاسکتا ہے کہ غیر ممکن نہیں، لیکن دشواری سے کون انکار کر سکتا ہے۔۔۔پہر دلی جذبات کو پیش کرتے ہوئے ڈر لگتا ہے۔۔۔کیونکہ۔۔۔۔۔۔۔ اس گلستان میں مگر دیکھنے والے ہی نہیں داغ جو سینے میں رکھتے ہیں والے ہی نہیںبہر حال میں ہدیہء ناظرین کرتا ہوں۔۔۔اور چاہتا ہوں کہ وہ بھی اس درد میں مبتلا ہوں۔۔ان کے سینے میں بھی درد، اور درد میں تڑپ پیدا ہو۔۔۔۔۔۔۔۔۔۔ میرے وطن کے ساتھ مجھے محبت نہیں بلکہ عشق ہے۔۔۔۔۔۔۔۔ (جاری ہے۔۔۔۔۔۔۔۔۔۔۔۔)