حمد گوئی کا ذوق پایا ہے ۔ بلال رشید

حمد گوئی کا ذوق پایا ہے
کیا ہی فضل_خدا کا سایہ ہے
پہلے کر کے تلاوت_قرآں
نغمۂ حمد گنگنایا ہے
بندگی کے لئے فقط اپنی
حق نے انسان کو بنایا ہے
روز مولا کی حمد کرنے سے
اک عجب کیف دل پ چھایا ہے
مجھ کو محشر میں حمد گوئی نے
مژدہ مغفرت سنایا ہے
نام اس کا ہی بس لیا میں نے
جب بھی غم نے مجھے ستایا ہے
دل کو بیزار کر کے دنیا سے
اس کو قصر خدا بنایا ہے
کیسی حکمت سے حق نے انسان کو
اپنے انوار سے سجایا ہے
حمد اور نعت کہتے رہنے سے
خانہ دل جگمگایا ہے
کم نہیں یہ بھی اک کرم اس کا
اس نے جو شرک سے بچایا ہے
پہلے کر کے تیار دنیا کو
رب نے انسا ں کوپھر بسایا ہے
رب نے ہر عیب اے بلال ترا
ساری مخلوق سے چھپایا ہے
---
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین