حمد باری ہر بشر تحریر کر سکتا نہیں ۔ بلال رشید

حمد باری ہر بشر تحریر کر سکتا نہیں
فاتحہ کی ہر کوئی تفسیر کر سکتا نہیں
کبریا کی نصرت و تائید گر حاصل نہ ہو
خود میں کوئی معرکہ تسخیر کر سکتا نہیں
میں ہوں راضی وہ مجھے جس حال میں چاہے رکھے
ظلم مجھ پر کاتب تقدیر کر سکتا نہیں
راہنمائی اس کی بندوں کو اگر حاصل نہ ہو
خود ہی منزل طے کوئی رہ گیر کر سکتا نہیں
حیدری ہوں اس لیے لکھتا ہوں حمدیں رات دن
حمد ورنہ یوں کوئی بے پیر کر سکتا نہیں
مت اماموں کو دیا کیجے خدا کے اختیار
شرک کوئی عاشق شبیر کر سکتا نہیں
جن دلوں میں معرفت توحید کی ہے رچ گی
ان کو اب کوئی بھی بے تنویر کر سکتا نہیں
کہکشاہیں جس کے اک جلوئے سے روشن ہوگیں
میں بیاں اس نور کی زنجیر کر سکتا نہیں
امتی کوئی بھی خیر الا انبیا کا اے بلال
شرک و بدعت کی کبھی تشہیر کر سکتا نہیں
----
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین