حسرت نکل رہی ہے سرکارﷺ کے نگر میں ۔۔۔ غلام ربانی فداؔ

حسرت نکل رہی ہے سرکارﷺ کے نگر میں
قسمت بدل رہی ہے سرکارﷺ کے نگر میں

توحید و حق کی پھیلی دنیا میں روشنی جو
قندیل جل رہی ہے سرکارﷺ کے نگر میں

آ جائے موت ہم کو اے کاش اب یہیں پر
خواہش مچل رہی ہے سرکارﷺ کے نگر میں

ممنون ہر سحر ہے کہ ان کے حضور میں ہے
ہر شام ڈھل رہی ہے سرکارﷺ کے نگر میں

وہ آنکھ خشک تھی جو مدت سے میری یارو
موتی ابل رہی ہے سرکارﷺ کے نگر میں

دیکھا فداؔ یہ ہم نے شیطان کی بھی فطرت
ہاتھوں کومل رہی ہے سرکارﷺ کے نگر میں
٭٭٭
غلام ربانی فداؔ ۔۔۔ گلزَارِ نعتﷺ​

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین