جہاں اُن کے نقشِ قدم دیکھتے ہیں ۔۔۔ایاز صدیقی

جہاں اُن کے نقشِ قدم دیکھتے ہیں
جبینِ مہ و مہر خم دیکھتے ہیں

محمدﷺ کی مدحت متاعِ سخن ہے
ہم انوارِ لوح و قلم دیکھتے ہیں

سلامت دمِ آرزوئے محمدﷺ
کہ آباد دل کا حرم دیکھتے ہیں

ہم اہلِ نظر ہر نفس لوحِ دل پر
وہ اسمِ گرامی رقم دیکھتے ہیں

ضیا بار ہے دل میں عشقِ محمدﷺ
فروزاں چراغِ حرم دیکھتے ہیں

درِ مصطفےٰﷺ سے سرِ لامکاں تک
دو عالم کے جلوے بہم دیکھتے ہیں

تصور میں ہیں یوں تو جلوے ہی جلوے
مگر وہ تجلی جو ہم دیکھتے ہیں

کبھی دیکھتے ہیں ایاز اُن کی جانب
کبھی دامنِ چشمِ نم دیکھتے ہیں
٭٭٭
ثنائے محمدﷺ ... ایاز صدیقی​

 

صلی اللہ علیہ وآلہ وسلم
کبھی دیکھتے ہیں ایاز اُن کی جانب
کبھی دامنِ چشمِ نم دیکھتے ہیں​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین