جمہوریت علامہ محمد اقبال کی نظر میں

جمہوریت

اس راز کو اک مرد فرنگی نے کیا فاش
ہر چند کہ دانا اسے کھولا نہیں کرتے

جمہوریت اک طرز حکومت ہے کہ جس میں
بندوں کو گنا کرتے ہیں، تولا نہیں کرتے​

 

پیا جی اور واصف بھائی ۔ آپ دونوں بھائی میرے مقابلے میں بہت اعلی تعلیم یافتہ اور سمجھدار ہیں۔ لیکن واصف بھائی کے خیال سے صرف ایک گذارش کرنے کی جسارت کرنا چاہتا ہوں۔

کہ پیاجی کا بھیجا گیا قطعہ دراصل علامہ اقبال نے فرنگی طرزِ جمہوریت پر تنقید کرتے ہوئے فرمایا تھا۔ اور فرنگی طرزِ جمہوریت کاملاً یعنی مکمل طور پر اسلامی طرزِ جمہوریت نہیں ہے۔ انگریزی، مغربی یا فرنگی طرزِ جمہوریت میں ایک پی-ایچ-ڈی یا اعلی تعلیم یافتہ جس کی عالمی سیاسیات و معاشیات پر گہری نظر ہو۔ وہ اور ایک عام ان پڑھ دیہاڑی دار کی رائے ایک ہی لیول پر وقعت رکھتی ہے۔

جبکہ اسلامی طرزِ جمہوریت میں رائے دہندگی کے ساتھ ساتھ انسان کے تقوی و پرہیزگاری، علم و فضل، تجربہ و ذہانت وغیرہ کو بھی مدنظر رکھا جاتا ہے۔ سیرتِ نبوی :saw: اور دورِ خلفائے راشدین رضوان اللہ علیھم اجمعین سے ہمیں کئی مثالیں ملتی ہیں۔
واصف بھائی ۔ آپ کا ارسال کردہ شعر غالباً علامہ اقبال نے سلطانئ جمہور سے مراد اسلامی طرزِ جمہوریت کی طرف اشارہ ہو سکتا ہے۔

 

واصف بھائی ۔ اسی موضوع پر میں کچھ مضامین دو چار موضوعات کی شکل میں ترتیب دے کر اسی حالاتِ حاضرہ کے چوپال پر ارسال کیے ہیں۔ اگر ہم سب ایک نظر دیکھ لیں اور قومی سطح پر تبدیلی کے لیے تیار ہوجائیں تو ترقی کی راہیں کھلنے کے امکانات بہت روشن ہوسکتے ہیں۔ انشاءاللہ

 

نہیں مایوس یہ اقبال اپنی کشتِ ویراں سے
ذرا نم ہو تو یہ مٹی بڑی زرخیز ہے ساقی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

مجھے معلوم ہے کہ آپکا مزاج شاعرانہ ہے۔ لیکن اسی چوپال میں “موجودہ نظام انتخابات اور ۔۔۔۔۔۔۔ “ کی لڑیوں پر اپنی ماہرانہ نظر ڈال کر تبصرہ ضرور فرمائیے گا۔
انتظار رہے گا۔

 

نعیم بھائی اچھی بات ہے آپ نے وضاحت کر دی، اسی لئے میں نے حالات حاضرہ میں یہ قطعہ ڈالا تھا تاکہ اس پر بحث ہو سکے۔ لیکن آج کل ہمارے ہاں پاکستان میں اسے سے بھی برے حالات ہیں، اب گننا بھی چھوڑ دیا ہے، ڈائریکٹ چھکا۔

 

اور یہ بھی تو علامہ اقبال ہی نے فرمایا ہے:

ہے وہی سازِ کہن مغرب کا جمہوری نظام
جس کے پردوں میں نہیں غیر از نوائے قیصری

دیوِ استبداد جمہوری قبا میں پائے کوب
تو سمجھتا ہے یہ آزادی کی ہے نیلم پری

agal:​