جدائی میں تیری وہی ہے سہارا-----برائے اصلاح

شکیل احمد خان
محمد سعید سعدی
--------
جدائی میں تیری وہی ہے سہارا
------یا
ہے جینے کا میرے وہی اک سہارا
سمے ساتھ تیرے جو مل کر گزارا
-----------
مری گر خطا تھی بتا کر تو جاتے
کیا مجھ سے ایسے بھلا کیوں کنارا
---------
کبھی میں نے تجھ کو بھلایا نہیں ہے
تصوّر میں رہتا ہے چہرہ تمہارا
------------
مجھے یاد اب تک ہے بھولا نہیں ہوں
سرِ شام اکثر وہ ملنا ہمارا
--------
ترا خال چہرے پہ کتنا حسیں تھا
وہ ماتھے پہ جیسے چمکتا ستارا
--------------
مرے دل کی دنیا کو برباد کر کے
بھلا کیا لگے گا کہیں دل تمہارا
-----یا
رلاتا تو ہو گا تمہیں دل تمہارا
----------
اگر دل میں تیرے محبّت نہیں تھی
یوں چاہت پہ مجھ کو بھلا کیوں ابھارا
------------
بھلا کیا کمی تھی جو ارشد میں دیکھی
نہیں کیا تھا تیرا وہ سارے کا سارا

 

جدائی میں ہے یاد تیری سہارا۔۔۔۔۔۔۔۔۔۔۔۔۔۔۔۔۔۔۔۔۔تری یاد فرقت میں ہے اک سہارا
اِسی پر مجھے ہے یہ جینا گوارا۔۔۔۔۔۔۔۔۔۔۔۔۔۔۔۔۔۔۔۔۔۔۔مجھے اس سہارے ہے جینا گوارا

 

خطا تھی مری تو بتاتا بھی جاتا
کیا تونے بے وجہ مجھ سے کنارا

 

کبھی بھول کر بھی بھلایا نہ تم کو
نگاہوں میں پھرتا ہے چہرہ وہ پیارا۔۔۔۔۔۔۔۔۔۔۔۔۔۔نگاہوں میں ہردم ہے چہرہ تمھارا
۔۔۔۔۔۔۔۔آپ نے پہلے مصرعے میں کہا تھا ۔۔۔۔۔۔تجھ کو بھلایا نہیں ہے۔۔۔۔۔۔۔۔۔۔۔۔۔۔۔
۔۔۔۔۔۔۔۔آپ دوسرے مصرعے میں کہہ رہے ہیں ۔۔۔۔۔چہرہ تمھارا۔۔۔۔۔۔۔۔۔۔۔۔۔۔۔۔
یہ اونٹ کے گلے میں بلی ہے۔۔۔۔۔۔۔کندہم جنس باہم جنس پرواز۔۔۔۔۔۔۔کبوتر باکبوتر ۔۔۔باز با باز
اگر پہلے مصرعے میں تم ہے تودوسرے میں اِس کی رعایت سے تمھارا،تمھیں،تمھی میں سے کوئی صیغہ لانا
لازم ہےاور اگرپہلے مصرعے میں تو ہے تو اِس کی مناسبت سےدوسرے میں تیرا ، تجھے ، تجھ، تجھی کی ضمیر ہوگی
معمار پہلی اینٹ ٹیڑھی رکھ دے تو کج ۔۔۔تابہ ثریا ۔۔۔رہ جاتا ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

ہے یاد اب تلک وہ سرِ شام ملنا
وہ جاتے ہوئے مجھ کو تکنا تمھارا۔۔۔۔۔۔۔۔۔۔۔۔۔وہ چلتے ہوئے مجھ کو تکنا تمھارا÷÷÷÷÷÷÷وہ رخصت پہ حسرت سے تکنا تمھارا

گو مجھ سے بھی سچوئشن (کیفیات کی تصویر)ڈھنگ سے کھچ نہیں پارہی مگر یہی وہ مقام ہے جہاںشاعردل نکال کر قارئین ،سامعین،ناظرین
کے قدموں میں رکھ دیا کرتا ہے:
حالِ دل اُن کو سنانا تھا ۔۔۔۔۔۔۔۔۔۔سنایا نہ گیا
جو زباں پر مجھے لانا تھا وہ۔۔۔۔۔۔۔۔۔لایا نہ گیا

کھیلتی آنکھ مچولی رہیں نظریں اپنی!​

جن کو پلکوں میں چھپانا تھا۔۔۔۔۔۔۔چھپایا نہ گیا۔۔۔۔۔۔۔۔۔۔۔۔۔۔۔آہ !مری بے بضاعتی ،واہ ری بے مائیگی۔۔۔۔۔

 

وہ تل تیرے چہرے پہ کیسا حسیں تھا
ہو جیسے چمکتا دمکتا ستارا۔۔۔۔۔۔۔۔۔۔۔۔۔۔۔۔۔۔۔کہ جیسے گگن پر چمکتا ستارا

۔۔۔۔۔۔میرا خیال ہے چہرہ ماتھے سے نیچے ٹھوڑی تک ہے۔ماتھے کو سر کا حصہ کیوں نہ سمجھیں؟
۔۔۔۔۔جب پہلے مصرعے میں کہا تراخال چہرے پہ۔۔۔۔۔۔۔۔۔الخ تو غزل کے پڑھنے اور سننے
والے کا دھیان گالو ں ،ٹھوڑی یا قریب قریب کی طرف جاتا ہے اور آپ کہہ رہے ہیں۔۔۔۔۔۔
وہ ماتھے پہ جیسے چمکتا ستارا۔۔۔۔۔۔۔۔۔۔۔۔۔۔۔اگر یہی کہنا ہے تو پہلے مصرعے کو یوں کرلیجیے:
ترا خال روشن ، ضیاپاش ،رخشاں
ہو ۔ماتھے۔ پہ ۔جیسے۔ چمکتا ستارا

 

مرے دل کی دنیا کو برباد کرکے
رلاتا تو ہوگا تمھیں دل تمھارا

 

اگر دل میں تیرے محبت نہیں تھی
تو کیوں مجھ کو شیشے میں تو نے اُتارا۔۔۔۔۔۔۔۔۔۔۔۔۔تو شیشے میں کیوں تو نے مجھ کو اُتارا

حالانکہ یہاں پہلے مصرعے میں یہ شکوہ ہونا چاہیے تھا : ۔۔۔۔۔۔۔۔۔۔اگر تجھ کو میری ضرورت نہیں تھی
تب دوسرے مصرعے میں جو احتجاج ہے روا تھا اور فریاد مباح تھی ۔۔۔سوال بنتا تھا۔۔۔۔۔۔۔۔۔۔۔۔

 

کمی کیا تھی ارشد میں جو تم نے دیکھی
نہیں تھا سراسر وہ بس اک تمھارا؟۔۔۔۔۔۔۔۔۔۔۔۔۔۔۔۔نہیں تھا وہ کیا بس سراپا تمھارا؟۔۔۔۔۔۔۔۔۔۔نہیں تھا وہ بے بس سراپا تمھارا؟