جب بھی ذِکرِ رسولﷺ ہوتا ہے ۔۔ شیخ صدیق ظفرؔ

جب بھی ذِکرِ رسولﷺ ہوتا ہے
رحمتوں کا نزول ہوتا ہے

یاد اُنؐ کی سہارا دیتی ہے
دِل مرا جب ملول ہوتا ہے

جب بھی پڑھتا ہوں میں درُود و سلام
دِل مرا کھِل کے پھُول ہوتا ہے

اسمِ احمدﷺ کا صدقہ حرفِ دعا
مستجاب و قبول ہوتا ہے

جو بھی دیتا ہے مُجھ کو میرا خُدا
اُنؐ کے در سے وصول ہوتا ہے

جس جگہ بھی ہو ذِکر جنت کا
ذِکرِ زہرا بتولؓ ہوتا ہے

آپﷺ کے پیار کا ظفرؔ! سن لو
عاشقوں کو حصول ہوتا ہے
٭٭٭
خزینۂ حمد و نعت ﷺ ۔۔۔ شیخ صدیق ظفرؔ​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین