جاں میں جلوۂ یارؐ رہتا ہے ۔۔ شیخ صدیق ظفرؔ

جاں میں جلوۂ یارؐ رہتا ہے
دِل مرا پُر بہار رہتا ہے

مرے قلب و نظر میں نور افشاں
حُسن کا تاج دارؐ رہتا ہے

دھیان میں جب ہو وہ رُخِ زیبا
دِل پہ کب اختیار رہتا ہے

عمرؓ بھی، آپﷺ ہی کے پہلو میں
آپﷺ کا یارِ غارؓ رہتا ہے

آپﷺ سے خلق اور خالق کا
رابطہ اُستوار رہتا ہے

غم کے مارو! چلو مدینہ چلیں
واں نبیﷺ غم گسار رہتا ہے

آپﷺ کے عاشقوں میں دیوانہ
اِک ظفرؔ دِل فگار رہتا ہے
٭٭٭
خزینۂ حمد و نعت ﷺ ۔۔۔ شیخ صدیق ظفرؔ​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین